ಗದಗ : ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬವನ್ನು ಹೋಟೆಲ್ ನಲ್ಲಿ, ಮನೆಯಲ್ಲಿ ಇನ್ನು ಹಲವೆಡೆ ಆಚರಿಸುವುದನ್ನು ನಾವು ಕೇಳಿರುತ್ತೇವೆ. ಆದರೆ ಸ್ಯಾಂಡಲ್ ವುಡ್ ನಟ ದುನಿಯಾ ವಿಜಯ್ ಅವರ ಅಭಿಮಾನಿಗಳು ಅವರ ಹುಟ್ಟುಹಬ್ಬವನ್ನು ಸ್ಮಶಾನದಲ್ಲಿ ಆಚರಿಸಿದ್ದು ತುಂಬಾ ವಿಶೇಷವಾಗಿದೆ.
ಗದಗ ಜಿಲ್ಲೆಯ ಅಡವಿ ಸೋಮಾಪುರ ಗ್ರಾಮದ ಜನರು ಮಧ್ಯರಾತ್ರಿ 12 ಗಂಟೆಗೆ ಹೊತ್ತಿಗೆ ಸ್ಮಶಾನದಲ್ಲಿ ವಿಜಯ್ ಅವರ ಫ್ಲೆಕ್ಸ್ ಹಾಕಿ ಅದರ ಮುಂದೆ ಕೇಕ್ ಕಟ್ ಮಾಡಿ ಹೋಮ, ಹವನದ ಮೂಲಕ ವಿಜಯ್ ಅವರಿಗೆ ಜೈಕಾರಗಳನ್ನು ಕೂಗಿದರು. ಹಾಗೆ ಚಿತ್ರರಂಗದಲ್ಲಿ ಅವರಿಗೆ ಕಂಠಕಗಳು ಎದುರಾಗಬಾರದೆಂದು ವಿಶೇಷ ಪೂಜೆ ಕೂಡ ಮಾಡಿದ್ದಾರೆ.
ಮೂಢನಂಬಿಕೆಗಳು ನಿರ್ಮೂಲನೆಯಾಗಬೇಕು ಎಂಬ ಕಾರಣಕ್ಕೆ ವಿಜಯ್ ಅವರ ಹುಟ್ಟುಹಬ್ಬವನ್ನು ಸ್ಮಶಾನದಲ್ಲಿ ಆಚರಿಸಿರುವುದಾಗಿ ಅಭಿಮಾನಿಗಳು ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
