‘ದಿ ವಿಲನ್’ ಬಗ್ಗೆ ನೆಗೆಟಿವ್ ಮಾತಾಡೋರಿಗೆ ಕಿಚ್ಚ ಸುದೀಪ್ ಹೇಳಿದ್ದೇನು ಗೊತ್ತಾ?

ಬೆಂಗಳೂರು : ಅಕ್ಟೋಬರ್ 18 ರಂದು ಶಿವರಾಜ್ ಕುಮಾರ್ ಹಾಗೂ ಸುದೀಪ್ ನಟಿಸಿರುವ ‘ದಿ ವಿಲನ್’ ಚಿತ್ರ ಜಗತ್ತಿನಾದ್ಯಂತ ಬಿಡುಗಡೆಗೊಂಡಿತ್ತು. ಆದರೆ ಈ ಚಿತ್ರದ ಬಗ್ಗೆ ಕೆಲವರು ನೆಗೆಟಿವ್ ಮಾತಾನಾಡೋಕೆ ಶುರು ಮಾಡಿದ್ದಾರೆ. ಅಂತವರಿಗೆ ಇದೀಗ ಕಿಚ್ಚ ಸುದೀಪ್ ಉದಾಹರಣೆ ಮೂಲಕ ಖಡಕ್ ಉತ್ತರ ನೀಡಿದ್ದಾರೆ.

ನರ್ತಕಿ ಥಿಯೇಟರ್​ ಎದುರು ಮಾಧ್ಯಮಗಳ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅಭಿನಯ ಚಕ್ರವರ್ತಿ ಸುದೀಪ್​,'ಒಂದು ಹೋಟೆಲ್​ಗೆ ಸಾಕಷ್ಟು ಜನರು ಬರ್ತಾರೆ. ಹೀಗೆ ಬಂದವರಲ್ಲಿ ಕೆಲವರು ದೋಸೆ ಸರಿಯಿಲ್ಲ, ಇಡ್ಲಿ ಸರಿಯಿಲ್ಲ, ಚಟ್ನಿ -ಸಾಂಬಾರ್​ ಸರಿಯಿಲ್ಲ, ಅದು ಸರಿಯಿಲ್ಲ ಇದು ಸರಿಯಿಲ್ಲ ಎಂದು ಕಮೆಂಟ್ ಮಾಡಿ ಹೋಗ್ತಾರೆ. ಆದರೆ, ನಾಳೆ ಮತ್ತೆ ಅದೇ ಹೋಟೆಲ್​ಗೆ ಬರುತ್ತಾರೆ. ಇಂತಹವರ ಬಗ್ಗೆ ಹೋಟೆಲ್​ನವರು ತಲೆ ಕೆಡಿಸಿಕೊಳ್ಳುವುದಿಲ್ಲ. ದಿನದ ಅಂತ್ಯದಲ್ಲಿ ಎಷ್ಟು ಬ್ಯುಸಿನೆಸ್​ ಆಯ್ತು ಅನ್ನೋದನ್ನ ಮಾತ್ರ ನೋಡ್ತಾರೆ' ಎನ್ನುವ ಮೂಲಕ ನೆಗೆಟಿವ್​ ಮಾತಾಡುವವರಿಗೆ ಸರಿಯಾಗಿ ಟಾಂಗ್ ನೀಡಿದ್ದಾರೆ.

ಅಷ್ಟೇ ಅಲ್ಲದೇ 'ದಿ ವಿಲನ್' ಚಿತ್ರದ ಟೀಸರ್​ಗಳನ್ನು ಕೋಟ್ಯಂತರ ಜನರು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ರು. ನೆಗೆಟಿವ್ ಮಾತಾಡೋರು ಈ ಬಗ್ಗೆ ಏನು ಅಂತಾರೆ ಎಂದು ಅವರು ಪ್ರಶ್ನಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.