ಪಕ್ಕಾ ಹಳ್ಳಿ ಹೈದನಾದ ದಿಗಂತ್ ಮಂಚಾಲೆ

ಬೆಂಗಳೂರು: ನಟ ದಿಗಂತ್ ಮಂಚಾಲೆ ಈಗ ಪಕ್ಕಾ ಹಳ್ಳಿ ಹೈದ. ತಮ್ಮೂರಿನಲ್ಲಿ ಶೂಟಿಂಗ್ ನಲ್ಲಿ ಬ್ಯುಸಿಯಾಗಿರುವ ದಿಗಂತ್ ಸಾಮಾಜಿಕ ಜಾಲತಾಣದಲ್ಲಿ ಫೋಟೋವೊಂದನ್ನು ಪ್ರಕಟಿಸಿದ್ದಾರೆ.

ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ ಎಂಬ ಸಿನಿಮಾದಲ್ಲಿ ದಿಗಂತ್ ಅಭಿನಯಿಸುತ್ತಿದ್ದು ಈ ಸಿನಿಮಾದ ದೃಶ್ಯವೊಂದರ ಫೋಟೋವನ್ನು ದಿಗಂತ್ ಪ್ರಕಟಿಸಿದ್ದಾರೆ. ಲುಂಗಿ, ಬನಿಯನ್ ತೊಟ್ಟುಕೊಂಡು ಬೆನ್ನ ಹಿಂದೆ ಮಚ್ಚು ಕಟ್ಟಿಕೊಂಡು ಮರವೇರಲು ಸಿದ್ಧರಾದ ಪಕ್ಕಾ ಹಳ್ಳಿ ಕೃಷಿಕನ ಲುಕ್ ನಲ್ಲಿ ದಿಗಂತ್ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ದಿಗಂತ್ ಲುಕ್ ಹೀಗೇ ಇರಲಿದೆ. ತೀರ್ಥಹಳ್ಳಿಯ ಸುಂದರ ಪರಿಸರದಲ್ಲಿ ಚಿತ್ರೀಕರಣ ಭರದಿಂದ ಸಾಗಿದೆ.