ರಶ್ಮಿಕಾ ಮಂದಣ್ಣ-ಧ್ರುವ ಸರ್ಜಾ ಪೊಗರು ಸಿನಿಮಾದಲ್ಲಿ ಏನಿದೆ? ಇಂದು ಗೊತ್ತಾಗುತ್ತೆ!

ಬೆಂಗಳೂರು: ಯಜಮಾನ ಸಿನಿಮಾ ಬಳಿಕ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಅಭಿನಯದ ಸಿನಿಮಾವೊಂದು ತೆರೆಗೆ ಬರಲು ಸಿದ್ಧವಾಗಿದ್ದು, ಇಂದು ಡೈಲಾಗ್ ಟ್ರೈಲರ್ ಬಿಡುಗಡೆಯಾಗುತ್ತಿದೆ.

ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ-ರಶ್ಮಿಕಾ ಜೋಡಿಯಾಗಿ ನಟಿಸಿರುವ ಪೊಗರು ಸಿನಿಮಾದ ಡೈಲಾಗ್ ಟ್ರೈಲರ್ ಇಂದು ಬಿಡುಗಡೆಯಾಗುತ್ತಿದೆ. ಧ್ರುವ ಸರ್ಜಾ ಅಭಿನಯದ ಸಿನಿಮಾವೆಂದರೆ ಅಲ್ಲಿ ಭರ್ಜರಿ ಡೈಲಾಗ್ ಗಳಿರುತ್ತವೆ.

ನಂದ ಕಿಶೋರ್ ನಿರ್ದೇಶನದ ಈ ಸಿನಿಮಾದ ಟೈಟಲ್, ಧ್ರುವ ಸರ್ಜಾ ಲುಕ್ ನೋಡಿದರೆ ಭರ್ಜರಿ ಸಾಹಸ ದೃಶ್ಯಗಳಿಗೇನೂ ಕಡಿಮೆಯಿರಲ್ಲ ಎಂಬುದು ಪಕ್ಕಾ ಆಗುತ್ತದೆ. ಆದರಲ್ಲೂ ಹಾಲಿವುಡ್ ನಟನ ಜತೆಗೆ ಧ್ರುವ ಸರ್ಜಾ ಕ್ಲೈಮ್ಯಾಕ್ಸ್ ಸೀನ್ ಮಾಡಿದ್ದಾರೆ. ಹೀಗಾಗಿ ಭರ್ಜರಿ ಹೊಡೆದಾಟದ ಟ್ರೈಲರ್ ಬರುವುದಂತೂ ಖಂಡಿತಾ.