ಅಣ್ಣ ಚಿರು ಸರ್ಜಾ ಆಸೆ ಪೂರೈಸಿದ ಧ್ರುವ ಸರ್ಜಾ

ಬೆಂಗಳೂರು: ಇತ್ತೀಚೆಗಷ್ಟೇ ನಿಧನರಾದ ಅಣ್ಣ ಚಿರಂಜೀವಿ ಸರ್ಜಾರ ಆಸೆಯನ್ನು ಧ್ರುವ ಸರ್ಜಾ ನೆರವೇರಿಸಿದ್ದಾರೆ. ತಮ್ಮ ಹುಟ್ಟುಹಬ್ಬದ ದಿನ ಅತ್ತಿಗೆ ಮೇಘನಾ ಸೀಮಂತ ಕಾರ್ಯಕ್ರಮ ಮಾಡಿದ್ದಾರೆ.

ಮೊನ್ನೆಯಷ್ಟೇ ಮೇಘನಾ ತವರು ಮನೆಯ ಕಡೆಯಿಂದ ಸೀಮಂತ ಶಾಸ್ತ್ರ ನಡೆದಿತ್ತು. ಇದಾದ ಬಳಿಕ ಧ್ರುವ ಸರ್ಜಾ ಗಂಡನ ಮನೆಯ ಕಡೆಯಿಂದ ಮೇಘನಾಗೆ ಸೀಮಂತ ಶಾಸ್ತ್ರ ಮಾಡಿದ್ದಾರೆ. ಅದೂ ಚಿರು ಸರ್ಜಾ ಆಸೆಯಂತೆ. ಚಿರು ಸರ್ಜಾ ಫೋಟೋ ಕಟೌಟ್ ಜತೆಗಿಟ್ಟು ಅವರ ಸ್ನೇಹಿತರನ್ನೆಲ್ಲಾ ಕರೆದು ಅದ್ಧೂರಿಯಾಗಿ ಸೀಮಂತ ನೆರವೇರಿಸಿ ತಮ್ಮ ಹುಟ್ಟುಹಬ್ಬವನ್ನು ಸಾರ್ಥಕವಾಗಿ ಆಚರಿಸಿಕೊಂಡಿದ್ದಾರೆ.