ಖ್ಯಾತ ನಟಿಯ ಮನೆ ಒಡೆಯುವ ಕೆಲಸ ಮಾಡಿದರೇ ನಟ ಧನುಷ್?!

ಚೆನ್ನೈ: ಖ್ಯಾತ ನಟಿ ಅಮಲಾ ಪೌಲ್ ಮತ್ತು ಎಎಲ್ ವಿಜಯ್ 2017 ರಲ್ಲಿ ವಿಚ್ಛೇದನ ಪಡೆದುಕೊಂಡಾಗ ಸಿನಿ ರಸಿಕರು ಶಾಕ್ ಗೊಳಗಾಗಿದ್ದರು. ಈ ಸುಂದರ ದಾಂಪತ್ಯಕ್ಕೆ ಹುಳಿ ಹಿಂಡಿದವರು ನಟ ಧನುಷ್ ಎಂದು ವಿಜಯ್ ತಂದೆ, ನಿರ್ಮಾಪಕ ಎಎಲ್ ಅಳಗಪ್ಪನ್ ಆರೋಪಿಸಿದ್ದಾರೆ.

ತಮಿಳು ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅಳಗಪ್ಪನ್ ತಮ್ಮ ಪುತ್ರ ಮತ್ತು ಅಮಲಾ ವಿಚ್ಛೇದನ ಪಡೆಯಲು ಧನುಷ್ ಕಾರಣ. ಅಮಲಾ ಮದುವೆ ಬಳಿಕ ಸಿನಿಮಾದಿಂದ ದೂರವಿರಲು ತೀರ್ಮಾನಿಸಿದ್ದರು. ಆದರೆ ಧನುಷ್ ತಮ್ಮ ಚೊಚ್ಚಲ ನಿರ್ಮಾಣದ ಸಿನಿಮಾದಲ್ಲಿ ಅಮಲಾಗೆ ಮುಖ್ಯ ಪಾತ್ರ ನಿರ್ವಹಿಸಲು ಆಫರ್ ನೀಡಿದರು.

ಆ ಸಂದರ್ಭದಲ್ಲಿ ನಾನು ಮತ್ತು ನನ್ನ ಕುಟುಂಬದವರು ಆಕೆಗೆ ಸಿನಿಮಾದಲ್ಲಿ ನಟಿಸಲು ಒಪ್ಪಿಗೆ ನೀಡುತ್ತಿಲ್ಲ ಎಂದು ಆರೋಪಿಸಿ ಆಕೆ ವಿಚ್ಛೇದನಕ್ಕೆ ಮುಂದಾದರು’ ಎಂದು ಅಳಗಪ್ಪನ್ ಆರೋಪಿಸಿದ್ದಾರೆ.