ಬೆಂಗಳೂರು: ನಟ ದರ್ಶನ್‌ ಜೈಲಿನಿಂದ ಹೊರಗಡೆ ಬರುವುದೇ ನಿಜವಾದ ದೀಪಾವಳಿ ಎಂದು ನಟಿ ಸಂಜನಾ ಗಲ್ರಾನಿ ಅವರು ಖುಷಿ ವ್ಯಕ್ತಪಡಿಸಿದ್ದಾರೆ.
ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ನಟ ದರ್ಶನ್‌ಗೆ ಜಾಮೀನು ಸಿಗುತ್ತಿದ್ದ ಹಾಗೇ ಅಭಿಮಾನಿಗಳಲ್ಲಿ ಹಾಗೂ ದರ್ಶನ್‌ ಅವರ ಆಪ್ತ ವಲಯಗಳಲ್ಲಿ ಸಂಭ್ರಮಕ್ಕೆ ಪಾರವೇ ಇಲ್ಲ. ದರ್ಶನ್‌ ಅವರು 131ದಿನಗಳ ಬಳಿಕ ಆರೋಗ್ಯ ಸಮಸ್ಯೆ ಹಿನ್ನೆಲೆ ದರ್ಶನ್‌ಗೆ ಮಧ್ಯಂತರ ಜಾಮೀನು ನೀಡಿ ಕೋರ್ಟ್‌ ಆದೇಶ ಹೊರಡಿಸಿದೆ.
ಇನ್ನೂ ದರ್ಶನ್‌ಗೆ ಬೇಲ್‌ ಸಿಗುತ್ತಿದ್ದ ಹಾಗೇ ದರ್ಶನ್‌ ಆಪ್ತ ವಲಯದವರು ಸಂತಸ ವ್ಯಕ್ತಪಡಿಸಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಸಂಜನಾ ಅವರು ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿ, ದರ್ಶನ್‌ ಅವರು ಜೈಲಿನಿಂದ ಬಿಡುಗಡೆಯಾಗುವುದೇ ನಿಜವಾದ ದೀಪಾವಳಿ. ಈ ಪ್ರಕರಣದಲ್ಲಿ ದರ್ಶನ್‌ಗೆ ಪೂರ್ತಿ ಜಾಮೀನು ಸಿಗಬೇಕಿತ್ತು. ಅವರ ಆರೋಗ್ಯ ಆಷ್ಟು ಬೇಗ ಸುಧಾರಿಸಿ, ಈ ಪ್ರಕರಣದಿಂದ ಮುಕ್ತರಾಗಿ ಹೊರಬರಲಿ ಎಂದು ಹಾರೈಸಿದರು.
ನಿರ್ದೇಶಕ ನಂದಕಿಸೋರ್‌, ನಟಿ ರಚಿತಾ ರಾಮ್‌, ಮಾಲತಿ ಸುದೀರ್‌, ನಟಿ ರಕ್ಷಿತಾ ಪ್ರೇಮ್‌, ನಿರ್ದೇಶಕ ಓಂ ಪ್ರಕಾಶ್‌ ಅವರು ಸಂಸತ ವ್ಯಕ್ತಪಡಿಸಿದ್ದಾರೆ.
