ಬೆಂಗಳೂರು: ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅಭಿನಯದ ಚಾರ್ಲಿ 777 ಸಿನಿಮಾ ಡಿಸೆಂಬರ್ 31 ಕ್ಕೆ ಬಿಡುಗಡೆಯಾಗಬೇಕಿತ್ತು. ಆದರೆ ಅದೀಗ ಮುಂದೂಡಿಕೆಯಾಗಿದೆ.
ರಕ್ಷಿತ್ ನಾಯಕರಾಗಿರುವ ಚಾರ್ಲಿ 777 ಸಿನಿಮಾದಲ್ಲಿ ಅವರ ಜೊತೆಗೆ ನಾಯಿಯೂ ಒಂದು ಪ್ರಮುಖ ಪಾತ್ರ ವಹಿಸಿದೆ. ಈ ಸಿನಿಮಾ ತಂಡ ಕಾಶ್ಮೀರದವರೆಗೂ ಹೋಗಿ ಶೂಟಿಂಗ್ ಮಾಡಿಕೊಂಡು ಬಂದಿದೆ. ಈಗಾಗಲೇ ಒಂದು ಹಾಡು ಬಿಡುಗಡೆಯಾಗಿ ಹಿಟ್ ಆಗಿತ್ತು.
ಈ ಎಂಟರ್ ಟೈನರ್ ಸಿನಿಮಾ ಡಿಸೆಂಬರ್ 31 ರಂದು ಬಿಡುಗಡೆಯಾಗುವುದೆಂದು ಘೋಷಿಸಲಾಗಿತ್ತು. ಅದರೆ ಈಗ ಕಾರಣಾಂತರಗಳಿಂದ ಮುಂದೂಡುತ್ತಿದ್ದೇವೆ. ಮುಂದಿನ ದಿನಾಂಕ ಯಾವಾಗ ಎಂದು ಸದ್ಯದಲ್ಲೇ ಘೋಷಿಸುತ್ತೇವೆ ಎಂದು ರಕ್ಷಿತ್ ಪ್ರಕಟಣೆ ನೀಡಿದ್ದಾರೆ.