ರಿಯಲ್ ಸ್ಟಾರ್ ಉಪೇಂದ್ರ ಜತೆ ನಟಿ ಚಾಂದಿನಿ

ರಿಯಲ್ ಸ್ಟಾರ್ ಉಪೇಂದ್ರ ಜತೆಗಿನ ’ಎ’ ಚಿತ್ರದ ಮೂಲಕ ಸ್ಯಾಂಡಲ್‍ವುಡ್‌ಗೆ ಅಡಿಯಿಟ್ಟ ಬೆಡಗಿ ಚಾಂದಿನಿ. ಇದೀಗ ಮತ್ತೆ ಉಪೇಂದ್ರ ಜತೆ ಅಭಿನಯಿಸುತ್ತಿದ್ದಾರೆ. ಉಪೇಂದ್ರ ಜತೆಗಿನ ಎರಡನೆ ಚಿತ್ರ ಇದು ಎಂಬುದು ವಿಶೇಷ. ಅಂದರೆ ಬರೋಬ್ಬರಿ 19 ವರ್ಷಗಳ ಬಳಿಕ ಅಭಿನಯಿಸುತ್ತಿದ್ದಾರೆ.

ತೆಲುಗು ಹಿಟ್ ಚಿತ್ರ  ಸೋಗ್ಗಾಡೆ ಚಿನ್ನಿನಾಯನ ರೀಮೇಕ್ ಆಗಿರುವ ’ಉಪೇಂದ್ರ ಮತ್ತೆ ಹುಟ್ಟಿಬಾ’ ಚಿತ್ರದಲ್ಲಿ ಚಾಂದಿನಿ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ಅವರದು ಸ್ಪೆಷಲ್ ಹಾಡಿಗೆ ಸೊಂಟ ಬಳುಕಿಸಲಿದ್ದಾರೆ. ಮುಂದಿನ ತಿಂಗಳು ಈ ಹಾಡಿನ ಚಿತ್ರೀಕರಣ ನಡೆಯಲಿದೆ. 

ಲೋಕನಾಥ್ ಆಕ್ಷನ್ ಕಟ್ ಹೇಳುತ್ತಿರುವ ಈ ಚಿತ್ರದ ನಾಯಕಿ ಪ್ರೇಮಾ. ಚಿತ್ರದ ವಿಶೇಷ ಪಾತ್ರದಲ್ಲಿ ಹರ್ಷಿಕಾ ಪೂಣಚ್ಚ ಸಹ ಅಭಿನಯಿಸಿದ್ದಾರೆ. ಚಾಂದಿನಿ ಮತ್ತು ಉಪೇಂದ್ರ ಜೊಡಿ ಎಂದರೆ ಅಭಿಮಾನಿಗಳ ನಿರೀಕ್ಷೆಗಳು ಹೆಚ್ಚಾಗಿಯೇ ಇರುತ್ತವೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.