ಹೈದರಾಬಾದ್: ಕನ್ನಡ, ಮಲಯಾಳ ಸೇರಿದಂತೆ ಬಹುಭಾಷೆಗಳಲ್ಲಿ ನಟಿಸಿ ಮನೆ ಮಾತಾಗಿದ್ದ ನಟಿ ಭಾನುಪ್ರಿಯಾ ನೆನಪಿನ ಶಕ್ತಿ ಕಳೆದುಕೊಳ್ಳುತ್ತಿದ್ದಾರಂತೆ. ಈ ವಿಚಾರವನ್ನು ಸ್ವತಃ ಭಾನುಪ್ರಿಯಾ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ಇತ್ತೀಚೆಗಿನ ದಿನಗಳಲ್ಲಿ ನೆನಪಿನ ಶಕ್ತಿ ಕುಂದುತ್ತಿದೆ. ಹೀಗಾಗಿ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿಲ್ಲ. ಡೈಲಾಗ್ ಗಳನ್ನು ನೆನಪಿಟ್ಟುಕೊಳ್ಳಲು ಆಗುತ್ತಿಲ್ಲ ಎಂದು ಭಾನುಮತಿ ಹೇಳಿದ್ದಾರೆ.
ಸಾಹಸಸಿಂಹ ವಿಷ್ಣುವರ್ಧನ್ ಜೊತೆ ಕದಂಬ, ಸಿಂಹಾದ್ರಿಯ ಸಿಂಹ ಮುಂತಾದ ಸಿನಿಮಾ ಸೇರಿದಂತೆ ಕನ್ನಡ, ಮಲಯಾಳಂ, ತಮಿಳು, ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದರು. ಜನಪ್ರಿಯ ತಾರೆಯಾಗಿದ್ದ ಭಾನುಪ್ರಿಯಾ ಅತ್ಯುತ್ತಮ ನೃತ್ಯಗಾತಿಯೂ ಆಗಿದ್ದರು. ಆದರೆ ಈಗ ನೃತ್ಯ ಸ್ಟೆಪ್ ಗಳನ್ನೂ ಮರೆಯುತ್ತಿದ್ದಾರಂತೆ. ಈ ಕಾರಣಕ್ಕೆ ನನಗೆ ನೃತ್ಯ ಮಾಡಲೂ ಆಗುತ್ತಿಲ್ಲ ಎಂದು ಭಾನುಪ್ರಿಯಾ ಹೇಳಿಕೊಂಡಿದ್ದಾರೆ.
