ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಯಾರೂ ಊಹಿಸಿರದ ಸ್ಪರ್ಧಿ ಉಗ್ರಂ ಮಂಜು ದಿನೇ ದಿನೇ ಜನಪ್ರಿಯತೆ ಹೆಚ್ಚಿಸಿಕೊಳ್ಳುತ್ತಿದ್ದಾರೆ. ಇದಕ್ಕೆ ಕಾರಣ ಅವರ ಆಟದ ಶೈಲಿ.
ಮೊನ್ನೆ ಒಂದೇ ಎಪಿಸೋಡ್ ನಿಂದ ಅವರ ಜನಪ್ರಿಯತೆ ಇದ್ದಕ್ಕಿದ್ದಂತೆ ಏರಿಕೆಯಾಗಿದೆ. ಅದಕ್ಕೆ ಕಾರಣ ಅವರು ಜನರನ್ನು ಮತ್ತು ಮನೆಯವರನ್ನು ಎಂಟರ್ ಟೈನ್ ಮಾಡಿರುವ ರೀತಿ. ಸಹ ಸ್ಪರ್ಧಿಗಳಾದ ಯಮುನಾ ಮತ್ತು ಲಾಯರ್ ಜಗದೀಶ್ ಅವರ ಮಿಮಿಕ್ರಿ ಮಾಡಿದ ಅವರು ಮನೆಯವರನ್ನೆಲ್ಲಾ ನಗಿಸಿದ್ದಲ್ಲದೆ, ವೀಕ್ಷಕರಿಗೂ ಮನರಂಜನೆ ಒದಗಿಸಿದ್ದಾರೆ.
ಉಗ್ರಂ ಮಂಜು ಬಗ್ಗೆ ಯಾರಿಗೂ ಹೆಚ್ಚು ಗೊತ್ತಿರಲಿಲ್ಲ. ಆದರೆ ಕಳೆದ ಎರಡು ಎಪಿಸೋಡ್ ನಿಂದ ಅವರು ಜನರ ಗಮನಸೆಳೆಯುತ್ತಿದ್ದಾರೆ. ಇನ್ನೊಂದೆಡೆ ಎಗ್ಗಿಲ್ಲದೇ ಹಾರಾಡುತ್ತಿರುವ ಲಾಯರ್ ಜಗದೀಶ್ ಗೆ ಕೌಂಟರ್ ಕೊಡಲು ಸದ್ಯಕ್ಕೆ ಮನೆಯಲ್ಲಿ ಅವರೇ ಸರಿಯಾದ ಸ್ಪರ್ಧಿ.
ಜೊತೆಗೆ ಆಟದಲ್ಲೂ ಪ್ರಾಮಾಣಿಕವಾಗಿ ಆಡುತ್ತಿದ್ದಾರೆ ಎಂಬುದು ವೀಕ್ಷಕರ ಅಭಿಪ್ರಾಯ. ಈ ಕಾರಣಕ್ಕೆ ಅವರ ಜನಪ್ರಿಯತೆ ಹೆಚ್ಚಾಗುತ್ತಿದೆ. ಹಲವರು ನಮ್ಮ ಸಪೋರ್ಟ್ ಉಗ್ರಂ ಮಂಜುಗೆ ಎನ್ನುವಷ್ಟು ಅವರು ಜನಪ್ರಿಯತೆ ಗಳಿಸಿಕೊಂಡಿದ್ದಾರೆ.
