ಒಮ್ಮೊಮ್ಮೆ ನಮ್ಮ ಗಮನಕ್ಕೆ ಬಾರದ ಸಣ್ಣಸಣ್ಣ ತಪ್ಪುಗಳಿಂದ ಭಾರಿ ಅನಾಹುತ ಸಂಭವಿಸುತ್ತದೆ. ಅದರಲ್ಲೂ ನಿರ್ದೇಶಕರಾದವರು ಪ್ರೇಕ್ಷಕರ ಬಗ್ಗೆ ಕಡಿಮೆ ನಿರೀಕ್ಷೀ ಇಟ್ಟುಕೊಂಡಿರುತ್ತಾರೆ. ರಾಜಮೌಳಿ ಗಮನಕ್ಕೆ ಬಾರದ ತಪ್ಪನ್ನು ಪ್ರೇಕ್ಷಕರು ಕಂಡುಹಿಡಿದರು.
ಅನುಷ್ಕಾ ಶೆಟ್ಟಿ, ಪ್ರಭಾಸ್ ಬಾಣ ಗುರಿಯಿಡುತ್ತಿರುವ ಪೋಸ್ಟರನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿತ್ತು. ಆದರೆ ಅದರಲ್ಲಿ ಸಣ್ಣ ತಪ್ಪು ನುಸುಳಿತ್ತು. ತುಂಬಾ ಸೂಕ್ಷ್ಮವಾಗಿ ಗಮನಿಸಿದರೆ ಹೊರತು ಆ ತಪ್ಪು ಗಮನಕ್ಕೆ ಬರುತ್ತಿರಲಿಲ್ಲ. ಮುಂದೆ ಅನುಷ್ಕಾ, ಹಿಂದೆ ಪ್ರಭಾಸ್ ನಿಂತು ಬಾಣ ಹೂಡುತ್ತಿದ್ದರೆ...ಹಿಂದಿರುವ ಪ್ರಭಾಸ್ ಹೂಡುತ್ತಿರುವ ಬಾಣಗಳು ಅನುಷ್ಕಾ ಮುಂದೆ ಬಂದಂತಿದ್ದವು. ಇದನ್ನು ಕಂಡುಹಿಡಿದ ನೆಟ್ಟಿಗರು ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಚರ್ಚೆಗೆ ಅನುವು ಮಾಡಿಕೊಟ್ಟರು.
ಆ ಪೋಸ್ಟರ್‌ ಬಗ್ಗೆ ಸ್ಪಂದಿಸಿರುವ ರಾಜಮೌಳಿ ಈಗ ತಪ್ಪನ್ನು ತಿದ್ದಿಕೊಂಡು ಹೊಸ ಪೋಸ್ಟರನ್ನು ಬಿಡುಗಡೆ ಮಾಡಿದ್ದಾರೆ. ಒಟ್ಟಾರೆ ಎಷ್ಟೆಲ್ಲಾ ಜಾಗ್ರತೆ ವಹಿಸಬೇಕಾಗುತ್ತದೆ ಎಂಬುದನ್ನು ರಾಜಮೌಳಿಗೆ ಪ್ರೇಕ್ಷಕರು ತಿಳಿಸಿದ್ದಾರೆ. ಏಪ್ರಿಲ್ ಕೊನೆಯ ವಾರದಲ್ಲಿ ಬಾಹುಬಲಿ 2 ಚಿತ್ರವನ್ನು ತೆರೆಗೆ ತರುವ ಸಿದ್ಧತೆಗಳು ಭರದಿಂದ ಸಾಗುತ್ತಿವೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
