ಬಾಲಿವುಡ್‍ನ ಗುಳಿಕೆನ್ನೆ ಚೆಲುವೆ ದೀಪಿಕಾ ಪಡುಕೋಣೆ ತನ್ನ ಸಂಭಾವನೆಯನ್ನು ಏಕಾಏಕಿ ಹೆಚ್ಚಿಸಿಕೊಂಡಿದ್ದಾಳೆ. ಹಾಲಿವುಡ್‍ನ ’xXx: ದಿ ರಿಟರ್ನ್ ಆಫ್ ದಿ ಜಾಂಡರ್ ಕೇಜ್’ ಚಿತ್ರದ ಬಳಿಕ ತಾನೊಬ್ಬ ಹಾಲಿವುಡ್ ನಟಿ ಎಂಬಂತೆ ಫೋಸು ಕೊಡುತ್ತಿರುವ ದೀಪಿಕಾಗೆ ಈಗ ಅವಕಾಶಗಳು ಗಗನಕುಸುಮವಾಗಿವೆ.
ಕಳೆದ ಮೂರು ವರ್ಷಗಳಿಂದ ಬ್ರ್ಯಾಂಡ್ ಒಂದಕ್ಕೆ ರಾಯಭಾರಿಯಾಗಿರುವ ದೀಪಿಕಾ ಹಣ ಜಾಸ್ತಿ ಕೇಳುತ್ತಿರುವ ಕಾರಣ ಆ ಬ್ರ್ಯಾಂಡ್ ಅವರನ್ನು ಕೈಬಿಟ್ಟಿದೆ. ಈ ವಿಷಯವನ್ನು ದೀಪಿಕಾ ಮ್ಯಾನೇಜರ್ ಮೂಲಕ ಗೊತ್ತಾಗಿ ಕೈಕೈ ಹಿಸುಕಿಕೊಳ್ಳುತ್ತಿದ್ದಾರಂತೆ.
ಒಮ್ಮಿಂದೊಮ್ಮೆಲೆ ಸಂಭಾವನೆ ಇಷ್ಟು ಕೊಡಿ ಎಂದರೆ ಯಾರು ತಾನೆ ಭರಿಸಲು ಸಾಧ್ಯ. ಈಗ ವಿಧಿಯಿಲ್ಲದೆ ಆ ಬ್ರ್ಯಾಂಡನ್ನು ಹೇಗಾದರೂ ಮತ್ತೆ ಪಡೆಯಬೇಕೆಂದು ಶತಪ್ರಯತ್ನ ಮಾಡುತ್ತಿದ್ದಾರಂತೆ ದೀಪಿಕಾ ಪಡುಕೋಣೆ. ಸದ್ಯಕ್ಕೆ ಈ ಸುದ್ದಿ ಬಾಲಿವುಡ್ ವಲಯದ್ದಲ್ಲಿ ಲಂಗುಲಗಾಮಿಲ್ಲದಂತೆ ಹರಿದಾಡುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
