ಮರಿ ಆನೆಗೆ ಪುನೀತ್ ಹೆಸರಿಟ್ಟು ವಿಶಿಷ್ಟ ಗೌರವ

ಬೆಂಗಳೂರು: ಶಿವಮೊಗ್ಗದ ಸಕ್ರೆಬೈಲು ಆನೆಎ ಬಿಡಾರದ ಮರಿಯಾನೆಯೊಂದಕ್ಕೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹೆಸರಿಟ್ಟು ಗೌರವಿಸಲಾಗಿದೆ.

ಕಾರಣ, ಕೆಲವು ದಿನಗಳ ಹಿಂದೆ ಪುನೀತ್ ಡಾಕ್ಯುಮೆಂಟರಿ ಚಿತ್ರೀಕರಣಕ್ಕೆಂದು ಇಲ್ಲಿಗೆ ಬಂದಾಗ ಮರಿ ಆನೆಯೊಂದನ್ನು ಮುದ್ದಿಸಿದ್ದರು. ಆ ಮರಿ ಆನೆಗೆ ಈಗ ಅರಣ್ಯ ಇಲಾಖೆ ಪುನೀತ್ ಹೆಸರಿಟ್ಟು ಗೌರವ ಸೂಚಿಸಿದೆ.

ಈ ಮೂಲಕ ಅಗಲಿದ ನಟನಿಗೆ ಅರಣ್ಯ ಇಲಾಖೆ ವಿಶಿಷ್ಟವಾಗಿ ಗೌರವ ನಮನ ಸಲ್ಲಿಸಿದೆ. ಇದುವರೆಗೆ ಯಾವ ಮರಿ ಆನೆಗೂ ಚಿತ್ರನಟರ ಹೆಸರಿಟ್ಟಿರಲಿಲ್ಲ ಎಂಬುದು ವಿಶೇಷ.