ಬಹುಭಾಷೆಗಳ ಸ್ಟಾರ್ ಗಳಿಂದ ‘ಅವನೇ ಶ್ರೀಮನ್ನಾರಾಯಣ’ ಟ್ರೈಲರ್ ಇಂದು ಲಾಂಚ್

ಬೆಂಗಳೂರು: ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅಭಿನಯದ ಅವನೇ ಶ್ರೀಮನ್ನಾರಾಯಣ ಸಿನಿಮಾ ಟ್ರೈಲರ್ ಇಂದು ಬಹುಭಾಷೆಗಳಲ್ಲಿ ಲಾಂಚ್ ಆಗುತ್ತಿದೆ.

ಈ ಒಂದು ಸಿನಿಮಾಗಾಗಿ ರಕ್ಷಿತ್ ಎರಡು ವರ್ಷಗಳಿಂದ ಬೇರೆ ಯಾವುದೇ ಸಿನಿಮಾ ಮಾಡಿಲ್ಲ. ತಾಂತ್ರಿಕವಾಗಿ ಶ್ರೀಮಂತವಾಗಿ ಮೂಡಿಬಂದಿರುವ ಸಿನಿಮಾವಿದು. ಈ ಸಿನಿಮಾ ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ಮೈಲಿಗಲ್ಲಾಗಲಿದೆ ಎಂಬ ನಿರೀಕ್ಷೆಯಿದೆ.

ಒಟ್ಟು ಐದು ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾದ ತಮಿಳು ಅವತರಣಿಕೆಯನ್ನು ನಟ ಧನುಷ್, ಮಲಯಾಳಂನಲ್ಲಿ ನಿವಿನ್ ಪೌಲಿ, ತೆಲುಗು ಅವತರಣಿಕೆಯನ್ನು ನಾನಿ ಲಾಂಚ್ ಮಾಡುತ್ತಿದ್ದಾರೆ.