ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ತಮ್ಮ ನೆಚ್ಚಿನ ನಟ ಎಂದು ಎಲ್ಲೇ ಹೋದರೂ ಹೇಳಿಕೊಳ್ಳುವ ಆಂಕರ್ ಅನುಶ್ರೀ ಅವರ ಅಂತಿಮ ದರ್ಶನಕ್ಕೆ ಬಾರದೇ ಇದ್ದಿದ್ದು ಭಾರೀ ಟೀಕೆಯಾಗಿತ್ತು.
ಹಲವರು ಅನುಶ್ರೀಯನ್ನು ಟೀಕೆ ಮಾಡಿದ್ದರು. ಆದರೆ ತಮಗೆ ಪವರ್ ಸ್ಟಾರ್ ಅಪ್ಪುವನ್ನು ಆ ಸ್ಥಿತಿಯಲ್ಲಿ ನೋಡಲು ಸಾಧ್ಯವಾಗದ ಕಾರಣ ಬಂದಿರಲಿಲ್ಲ ಎಂದು ಅನುಶ್ರೀ ದುಃಖದಿಂದಲೇ ಹೇಳಿಕೊಂಡಿದ್ದರು.
ಆದರೆ ಇಂದು ಸಮಾಧಿ ಬಳಿಯಲ್ಲಿ ಕುಟುಂಬಸ್ಥರು 11 ನೇ ದಿನದ ಕಾರ್ಯ ನಡೆಸುವಾಗ ಅನುಶ್ರೀ ಆಗಮಿಸಿದ್ದಾರೆ. ತೀವ್ರ ಬೇಸರದಲ್ಲಿದ್ದ ಅನುಶ್ರೀ ಸಮಾಧಿಗೆ ನಮಸ್ಕರಿಸಿ ಪೂಜೆಯಲ್ಲಿ ಪಾಲ್ಗೊಂಡಿದ್ದಾರೆ.
