ಮಗನ ಜೊತೆ ದೀಪಾವಳಿ ಆಚರಿಸಿ ಇಂದು ದರ್ಶನ್ ತುರ್ತಾಗಿ ಇಲ್ಲಿಗೆ ತೆರಳಲಿದ್ದಾರೆ

Photo Credit: X

ಬೆಂಗಳೂರು: ರೇಣುಕಾಸ್ವಾಮಿ ಮರ್ಡರ್ ಕೇಸ್ ನಲ್ಲಿ ಮಧ್ಯಂತರ ಜಾಮೀನು ಪಡೆದು ಹೊರಬಂದಿರುವ ನಟ ದರ್ಶನ್ ಇಂದು ಮಗನ ಜೊತೆ ದೀಪಾವಳಿ ಹಬ್ಬ ಆಚರಿಸಿ ಬಳಿಕ ತುರ್ತಾಗಿ ಆಸ್ಪತ್ರೆ ಸೇರಲಿದ್ದಾರೆ.

ತೀವ್ರ ಬೆನ್ನು ನೋವಿನಿಂದ ಬಳಲುತ್ತಿರುವ ನಟ ದರ್ಶನ್ ಅನಾರೋಗ್ಯದ ನೆಪದಲ್ಲಿ ಆರು ವಾರಗಳ ಮಧ್ಯಂತರ ಜಾಮೀನು ಪಡೆದಿದ್ದಾರೆ. ಈ ನಡುವೆ ಅವರ ಜಾಮೀನು ಅರ್ಜಿ ಪ್ರಶ್ನಿಸಿ ಪೊಲೀಸರು ಸುಪ್ರೀಂ ಕೋರ್ಟ್ ಗೆ ಮೇಲ್ಮನವಿ ಸಲ್ಲಿಸಲು ಸಿದ್ಧತೆ ನಡೆಸಿದ್ದಾರೆ.

ಹೀಗಾಗಿ ದರ್ಶನ್ ತಕ್ಷಣವೇ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯಲು ನಿರ್ಧರಿಸಿದ್ದಾರೆ. ಈಗ ಅವರಿಗೆ ಸಿಕ್ಕಿರುವ ಆರು ವಾರಗಳ ಕಾಲಾವಕಾಶದಲ್ಲಿ ಚಿಕಿತ್ಸೆಗೆ ಮಾತ್ರ ಅವಕಾಶ ನೀಡಲಾಗಿದೆ. ಅದರ ಹೊರತಾಗಿ ಅವರು ಯಾವುದೇ ಕೆಲಸ ಮಾಡುವಂತಿಲ್ಲ. ಮೊನ್ನೆ ರಾತ್ರಿ ಹೊಸಕೆರೆಹಳ್ಳಿಯಲ್ಲಿರುವ ಪತ್ನಿ ವಿಜಯಲಕ್ಷ್ಮಿ ಫ್ಲ್ಯಾಟ್ ಗೆ ದರ್ಶನ್ ಬಂದಿದ್ದರು.

ಅದಾದ ಬಳಿಕ ಅವರು ಎಲ್ಲಿಗೂ ಹೋಗಿಲ್ಲ. ನಿನ್ನೆ ಮಗ ವಿನೇಶ್ ಹುಟ್ಟುಹಬ್ಬವಿತ್ತು. ಜೊತೆಗೆ ತಮ್ಮ ವಾಹನಗಳಿಗೆ ಆಯಧ ಪೂಜೆ ಮಾಡಿದ್ದರು. ಇಂದು ದೀಪಾವಳಿ ಹಬ್ಬ ಆಚರಿಸಿ ಬಳಿಕ ಸಂಜೆ ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆಯಿದೆ.