ಮನ್ನತ್ ಬಳಿ 95ದಿನ ಕಾದು ಕುಳಿತ ಅಭಿಮಾನಿ, ಕೊನೆಗೂ ಶಾರುಖ್‌ ಖಾನ್ ಮಾಡಿದ್ದೇನು

Photo Courtesy X

ಮುಂಬೈ: ಅಪಾರ ಅಭಿಮಾನಿಗಳನ್ನು ಹೊಂದಿರುವ ಬಾಲಿವುಡ್ ನಟ ಶಾರುಖ್ ಖಾನ್ ಅವರನ್ನು ಭೇಟಿಯಾಗಿ ಒಂದು ಫೋಟೋ ತೆಗೆಸಿಕೊಳ್ಳಬೇಕೆಂಬುದು ಪ್ರತಿ ಅಭಿಮಾನಿಯ ಕನಸಾಗಿರುತ್ತದೆ. ಆದರೆ ಈ ಅದೃಷ್ಟ ಕೆಲವು ಅಭಿಮಾನಿಗಳಷ್ಟೇ ಸಿಗುತ್ತದೆ.

ಪ್ರತಿ ಬಾರಿ ಹುಟ್ಟುಹಬ್ಬದ ದಿನ ಶಾರುಖ್ ಖಾನ್ ಅವರು ತಮ್ಮ ಅಭಿಮಾನಿಗಳಿಗೆ ತಮ್ಮ ಮನೆಯ ಮೇಲೆ ನಿಂತು ಕೈ ಬೀಸಿ, ವಿಶ್ ಮಾಡುತ್ತಾರೆ. ಆದರೆ ಇಲ್ಲೊಬ್ಬ ಡೈ ಹಾರ್ಡ್‌ ಅಭಿಮಾನಿ ಬರೋಬ್ಬರಿ ಶಾರುಖ್ ಖಾನ್ ಮನೆಯ ಮುಂದೆ 95 ದಿನ ಕಾದು ಕುಳಿತು ತನ್ನ ಸೂಪರ್‌ ಸ್ಟಾರ್‌ ಅನ್ನು ಭೇಟಿಯಾಗಿದ್ದಾನೆ.

ಜಾರ್ಖಂಡ್‌ನ ಶೇಖ್ ಮೊಹಮ್ಮದ್ ವ್ಯಕ್ತಿ ತನ್ನ ಕೆಲಸವನ್ನು ಬಿಟ್ಟು, ಶಾರುಖ್ ಖಾನ್‌ನ ಮನ್ನಾತ್ ಹೊರಗೆ  ತನ್ನ ಕಾರಿನಲ್ಲಿಯೇ ಇದ್ದು 95 ದಿನ ಅವರಿಗಾಗಿ ಕಾದು ಕುಳಿತಿದ್ದಾನೆ. ಈ ವಿಚಾರ ತಿಳಿದು ಶಾರುಖ್ ಆತನನ್ನು ಮನೆಗೆ ಕರೆಸಿ ಭೇಟಿಯಾಗಿ ಫೋಟೋ ತೆಗೆಸಿಕೊಂಡಿದ್ದಾರೆ.

ಈ ಪೋಟೋವನ್ನು ಶಾರುಖ್ ಖಾನ್ ಅಭಿಮಾನಿಗಳು ಪೇಜ್‌ಗಳಲ್ಲಿ ಹಂಚಿಕೊಂಡು ಸಂಭ್ರಮಿಸುತ್ತಿದ್ದಾರೆ.



<>