ಈ ಆ್ಯಪ್ ಬಳಸಿ ಬೆಂಗಳೂರಿನಲ್ಲಿ ವಾಹನ ಪಾರ್ಕಿಂಗ್ ಬಗ್ಗೆ ಎಲ್ಲಾ ಮಾಹಿತಿ ತಿಳಿಯಬಹುದಂತೆ

ಬೆಂಗಳೂರು : ಸಿಲಿಕಾನ್ ಸಿಟಿಯಲ್ಲಿ ವಾಹನ ಪಾರ್ಕಿಂಗ್ ಮಾಡಲು ವಾಹನ ಸವಾರರ ಪರದಾಡುವುದನ್ನು ತಪ್ಪಿಸಲು ಬೆಂಗಳೂರು ಬೃಹತ್​ ಮಹಾನಗರ ಪಾಲಿಕೆ ಹೊಸದಾದ ಮೊಬೈಲ್​ ಆಪ್​ ವೊಂದನ್ನು ಪರಿಚಯಿಸಲಿದೆ.

ಹೌದು. ಬೆಂಗಳೂರು ನಗರದಲ್ಲಿನ ವಾಹನ ದಟ್ಟನೆಯನ್ನು ಗಮನಹರಿಸಿ ಎಂಜಿ ರಸ್ತೆ, ಬ್ರಿಗೇಡ್​ ರಸ್ತೆ, ನೃಪತುಂಗ ರಸ್ತೆ, ಕಸ್ತೂರಬಾ ರಸ್ತೆ, ಮಲ್ಯ ರಸ್ತೆ,  ಸೇರಿದಂತೆ ನಗರದ 85 ರಸ್ತೆಗಳಲ್ಲಿ ಪಾರ್ಕಿಂಗ್​ ವ್ಯವಸ್ಥೆಯನ್ನು ಕಲ್ಪಿಸುವ ಮೂಲಕ ಪಾರ್ಕಿಂಗ್​ ಪರದಾಟವನ್ನು ಹೋಗಲಾಡಿಸಲು ಬಿಬಿಎಂಪಿ ‘ಸ್ಮಾರ್ಟ್​ ಪಾರ್ಕಿಂಗ್‘​ ಯೋಜನೆಯನ್ನು ತಂದಿತ್ತು. ಲೋಕಸಭೆ ಚುನಾವಣೆ ಮುಗಿದ ನಂತರ ‘ಸ್ಮಾರ್ಟ್​ ಪಾರ್ಕಿಂಗ್‘​ ಕಾಮಗಾರಿ ನಡೆಯಲಿದ್ದು, ಇದರ ಬೆನ್ನಲ್ಲೇ ಪಾರ್ಕಿಂಗ್​ ನಿರ್ವಹಣೆಗಾಗಿ ಪ್ರತ್ಯೇಕ ಮೊಬೈಲ್​ ಅಪ್ಲಿಕೇಷನ್​ ಸಿದ್ಧಪಡಿಸಲಾಗುತ್ತದೆ ಎಂದು ಬಿಬಿಎಂಪಿ ಅಧಿಕಾರಿಗಳು ತಿಳಿಸಿದ್ದಾರೆ.

ಬಿಬಿಎಂಪಿ ಸಿದ್ಧಪಡಿಸುತ್ತಿರುವ ಸ್ಮಾರ್ಟ್​ ಫೋನ್​ ಆ್ಯಪ್​ ನಲ್ಲಿ ಪಾರ್ಕಿಂಗ್​ಗೆ ಸೂಕ್ತವಾದ ಜಾಗವನ್ನು ಹುಡುಕಬಹುದಾಗಿದೆ. ಯಾವ ರಸ್ತೆಯಲ್ಲಿ ಎಷ್ಟು ವಾಹನ ನಿಲುಗಡೆಯಾಗಿದೆ ಎಂಬ ಮಾಹಿತಿಯನ್ನು ಈ ಆ್ಯಪ್​ ಒದಗಿಸುತ್ತದೆ. ಎಷ್ಟು ಅವಧಿಯವರೆಗೆ ವಾಹನ ನಿಲುಗಡೆ ಮಾಡಬಹುದು ? ಪಾರ್ಕಿಂಗ್ ​ಗೆ ತಗಲುವ ಶುಲ್ಕವೆಷ್ಟು? ಎಂಬ ಮಾಹಿತಿ  ತಿಳಿಸುತ್ತದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.