ದೇಶದ ಅತಿ ದೊಡ್ಡ ಕಾರು ತಯಾರಿಕಾ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ಪ್ರಮುಖ ಮಾರಾಟಗಾರರ ಘಟಕದಲ್ಲಿ ಅಗ್ನಿ ಅವಘಡ ಸಂಭವಿಸಿರುವ ಹಿನ್ನೆಲೆಯಲ್ಲಿ ಜೂನ್ ತಿಂಗಳ ಒಟ್ಟು ಮಾರಾಟದಲ್ಲಿ 13.9 ಪ್ರತಿಶತ ಕುಸಿತ ಕಂಡು 98,840 ಕಾರುಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಇದೆ ಅವಧಿಯಲ್ಲಿ 1,14,756 ಕಾರುಗಳು ಮಾರಾಟವಾಗಿದ್ದವು.
ಮಾರುತಿ ಸುಜುಕಿ ಇಂಡಿಯಾ ಸಂಸ್ಥೆಯ ದೇಶಿಯ ಮಾರಾಟದಲ್ಲಿ 10.2 ಪ್ರತಿಶತ ಕುಸಿತ ಕಂಡು 92,133 ಕಾರುಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಇದೆ ಅವಧಿಯಲ್ಲಿ 1,02,626 ಕಾರುಗಳು ಮಾರಾಟವಾಗಿದ್ದವು.
ಆಲ್ಟೋ ಮತ್ತು ವ್ಯಾಗನಾರ್ ಸೇರಿದಂತೆ ಮಿನಿ ಸೆಗ್ಮೆಂಟ್ ಕಾರುಗಳ ಮಾರಾಟದಲ್ಲಿ 19.3 ಪ್ರತಿಶತ ಕುಸಿತ ಕಂಡು 27,712 ಕಾರುಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಇದೆ ಅವಧಿಯಲ್ಲಿ 34,336 ಕಾರುಗಳು ಮಾರಾಟವಾಗಿದ್ದವು ಎಂದು ಮಾರುತಿ ಸುಜುಕಿ ಇಂಡಿಯಾ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಕಾಪ್ಯಾಕ್ಟ್ ವಿಭಾಗದ ಕಾರುಗಳಾದ ಸ್ವಿಫ್ಟ್, ಎಸ್ಟಿಲೊ, ರಿಟ್ಜ್, ಡಿಜೈರ್, ಬಲೆನೋ ಕಾರುಗಳ ಮಾರಾಟದಲ್ಲಿ 12.5 ಪ್ರತಿಶತ ಕುಸಿತ ಕಂಡು 39,971 ಕಾರುಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಇದೆ ಅವಧಿಯಲ್ಲಿ 45,701 ಕಾರುಗಳು ಮಾರಾಟವಾಗಿದ್ದವು.
ಕಾಪ್ಯಾಕ್ಟ್ ಸೆಡಾನ್ ಡಿಜೈರ್ ಆವೃತ್ತಿಯ ಕಾರುಗಳು ಮಾರಾಟದಲ್ಲಿ 28.5 ಪ್ರತಿಶತ ಕುಸಿತ ಕಂಡು 2,068 ಕಾರುಗಳು ಮಾರಾಟ ಹೊಂದಿದೆ. ಮಧ್ಯಮ ಗಾತ್ರದ ಸೆಡಾನ್ ಸಿಯಾಜ್ ಆವೃತ್ತಿಯ ಕಾರುಗಳ ಮಾರಾಟದಲ್ಲಿ 24.3 ಪ್ರತಿಶತ ಕುಸಿತ ಕಂಡು 2,800 ಕಾರುಗಳು ಮಾರಾಟವಾಗಿದೆ.
ಯುಟಿಲಿಟಿ ವಾಹನಗಳಾದ ಜಿಪ್ಸಿ, ಗ್ರ್ಯಾಂಡ್ ವಿಟಾರಾ, ಎರ್ಟಿಗಾ, ಎಸ್-ಕ್ರಾಸ್ ಮತ್ತು ಕಾಂಪ್ಯಾಕ್ಟ್ ಸುವಿ ವಿಟಾರಾ ಬ್ರೆಜ್ಜಾ ಆವೃತ್ತಿಯ ಕಾರುಗಳ ಮಾರಾಟದಲ್ಲಿ 75.5 ಪ್ರತಿಶತ ಹೆಚ್ಚಳವಾಗಿ 9,708 ಕಾರುಗಳು ಮಾರಾಟವಾಗಿದೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
