ರಿಲಯನ್ಸ್ ಕಂಪನಿ ಮುಖ್ಯಸ್ಥ ಮುಖೇಶ್ ಅಂಬಾನಿ ಜುಲೈ 21ರಂದು ಕಂಪನಿಯ 40ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಅಗ್ಗದ ಜಿಯೋ ಸ್ಮಾರ್ಟ್ ಫೋನ್ ಘೋಷಿಸಿದ್ದರು. ಅಂದರೆ, 1500 ರೂ. ಡೆಪಾಸಿಟ್`ನೊಂದಿಗೆ ಉಚಿತ ಮೊಬೈಲ್ ಫೋನ್ ಇದಾಗಿದ್ದು, ಇವತ್ತಿನಿಂದ ಪ್ರೀಬುಕ್ಕಿಂಗ್ ಶುರುವಾಗಿದೆ.
ಸಂಜೆ 5.30ರ ಬಳಿಕ ಜಿಯೋ 4ಜಿ ಮೊಬೈಲ್ ಬುಕ್ಕಿಂಗ್ ಶುರುವಾಗಲಿದ್ದು,ಗ್ರಾಹಕರು ಆನ್`ಲೈನ್ ಅಥವಾ ಮೊಬೈಲ್ ಸ್ಟೋರ್`ಗಳಲ್ಲಿ ಬುಕ್ಕಿಂಗ್ ಮಾಡಬಹುದು. ಜಿಯೋ ಫೋನ್ ಬೇಡಿಎಕ ಪರೀಕ್ಷಿಸಲು ಕಳೆದ ಕೆಲ ದಿನಗಳ ಹಿಂದೆಯೇ ಸಂಸ್ಥೆ `ರಿಜಿಸ್ಟರ್ಡ್ ಇಂಟರೆಸ್ಟ್’ ಶುರು ಮಾಡಿದೆ. ಆನ್`ಲೈನ್ ಮತ್ತು ಆಫ್ ಲೈನ್`ಗಳಲ್ಲೂ `ರಿಜಿಸ್ಟರ್ಡ್ ಇಂಟರೆಸ್ಟ್’ನಲ್ಲಿ ಸೈನ್ ಇನ್ ಮಾಡಬಹುದುದಾಗಿದೆ. ಇದರಲ್ಲಿ ಸೈನ್ ಇನ್ ಆದವರಿಗೆ ಮಾತ್ರ ಮೊಬೈಲ್ ಬುಕ್ ಮಾಡುವ ಅವಕಾಶ ಸಿಗಲಿದೆ.
ಆನ್`ಲೈನ್ ಬುಕ್ಕಿಂಗ್ ಹೇಗೆ..?: ಮೈ ಜಿಯೋ ಆಪ್ ಮತ್ತು ಕಂಪನಿಯ ಅಧಿಕೃತ ವೆಬ್ ಸೈಟ್ ಮೂಲಕ ಜಿಯೋ ಫೋನ್ ಆನ್`ಲೈನ್ ಬುಕ್ಕಿಂಗ್ ಮಾಡಬಹುದಾಗಿದೆ. ಜಿಯೋ ಫೋನ್ ಬುಕ್ಕಿಂಗ್`ಗಾಗಿಯೇ ಸಂಸ್ಥೆ ಒಂದು ವಿಶೇಷ್ ಪೇಜ್ ಆರಂಭಿಸಿದೆ. ಸಂಜೆ 5.30ರ ಬಳಿಕ ಲಾಗಿನ್ ಆಗಿ ಬುಕ್ ಮಾಡಬಹುದು.
ಆಫ್ ಲೈನ್ ಬುಕ್ಕಿಂಗ್ ಹೇಗೆ..?: ಜಿಯೋ ಸಗಟು ವ್ಯಾಪಾರಸ್ಥರ ಬಳಿ ಆಫ್ ಲೈನ್ ಜಿಯೋ ಫೋನ್ ಬುಕ್ ಮಾಡಬಹುದು. ಮಲ್ಟಿ ಬ್ರಾಂಡ್ ರೀಟೈಲರ್ ಶಾಪ್ ರಿಲಯನ್ಸ್ ಡಿಜಿಟಲ್`ನಲ್ಲೂ ಫೋನ್ ಬುಕ್ ಮಾಡಬಹುದು. ಜಿಯೋ ಪಿಓಎಸ್ ವರ್ಶನ್ ಅಪ್ಡೇಟ್ ಮಾಡಿಕೊಂಡಿರುವ ಡಿಲಯನ್ಸ್ ಡಿಜಿಟಲ್ ಸ್ಟೋರ್`ಗಳಲ್ಲಿ ಮಾತ್ರ ಪ್ರೀಬುಕ್ಕಿಂಗ್ ಮಾಡಬಹುದು.
ಎಷ್ಟು ಹಣ ಪಾವತಿಸಬೇಕು..?: ಜಿಯೋ ಫೋನ್ ಉಚಿತವಾದರೂ ಅದನ್ನ ಪಡೆಯಲು ಮೊದಲೇ ರೀಫಂಡಬಲ್ ಭದ್ರತಾ ಠೇವಣಿ 1500 ರೂ. ಪಾವತಿಸಬೇಕು. ಬುಕ್ ಮಾಡುವಾಗ ಗ್ರಾಹಕರು 500 ರೂ. ಪಾವತಿಸಬೇಕು. ಬುಕ್ಕಿಂಗ್ ಸಂದರ್ಭ ದುರುಪಯೋಗ ತಪ್ಪಿಸಲು ಸಂಸ್ಥೆ ಈ ಹಣ ಪಡೆಯುತ್ತಿದೆ. ಮೊಬೈಲ್ ಡೆಲಿವರಿ ಸಂದರ್ಭ ಈ ಹಣವನ್ನ ನೀವು ಪಾವತಿಸುವ ಡೆಪಾಸಿಟ್ ಹಣದಲ್ಲಿ ಕಡಿತಗೊಳಿಸಲಾಗುತ್ತೆ. ಡೆಲಿವರಿ ವೇಳೆ ನೀಡು 1000 ರೂ. ಮಾತ್ರ ಪಾವತಿಸಬಹುದಾಗಿದೆ.
ಜಿಯೋ ಪೋನ್ ಪಡೆದ ಬಳಿಕ ನೀವು ಜಿಯೋ ಪ್ಲ್ಯಾನ್ ಸಬ್`ಸ್ಕ್ರೈಬ್ ಮಾಡಬೇಕು. ಮಾಸಿಕ ಜಿಯೋ ಪ್ಲ್ಯಾನ್ 153 ರೂ.ನಿಂದ ಆರಂಭವಾಗಲಿದೆ. 53 ರೂ.ನ ವಾರದ ಪ್ಲ್ಯಾನ್ ಕೂಡ ಇದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
