ಟೆಲಿಕಾಂ ಕಂಪನಿಗಳು ಈಗ ತನ್ನ ಗ್ರಾಹಕರಿಗೆ ಕಡಿಮೆ ಬೆಲೆಗೆ ಅನೇಕ ಆಫರ್‌ಗಳನ್ನು ಪ್ರಕಟಿಸಿವೆ. ಇದೀಗ ಸರಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ ಸಹ ತನ್ನ ಗ್ರಾಹಕರಿಗೆ ಕೇವಲ ರೂ.144ಕ್ಕೆ ಅನಿಯಮಿತ ಕರೆಗಳ ಯೋಜನೆ ಪ್ರಕಟಿಸಿದೆ.
ಈ ನೂತನ ಯೋಜನೆಯ ವ್ಯಾಲಿಡಿಟಿ ಆರು ತಿಂಗಳು. ಒಂದು ತಿಂಗಳ ಕಾಲ ಸ್ಥಳೀಯ, ಎಸ್‌ಟಿಡಿ ಕರೆಗಳನ್ನು ಅಪರಿಮಿತವಾಗಿ ಮಾಡಿಕೊಳ್ಳಬಹುದು. ಇದರ ಜೊತೆಗೆ 300 ಎಂಬಿ ಡಾಟಾ ಉಚಿತವಾಗಿ ನೀಡಲಾಗುತ್ತಿದೆ.
ಉಚಿತ ಡಾಟಾವನ್ನು ಒಂದು ತಿಂಗಳ ಒಳಗೆ ಬಳಸಿಕೊಳ್ಳಬಹುದು. ದೇಶದಾದ್ಯಂತ 4,400 ವೈ-ಫೈ ಹಾಟ್ ಸ್ಪಾಟ್ ಸ್ಥಾಪಿಸಿದ್ದೇವೆ. ಹಂತಹಂತವಾಗಿ ಗ್ರಾಮೀಣ ಭಾಗಕ್ಕೂ ಎಲ್‌ಟಿಇ (4ಜಿ) ಸೇವೆಯನ್ನು ವಿಸ್ತರಿಸುತ್ತೇವೆ ಎಂದಿದ್ದಾರೆ ಬಿಎಸ್ಎನ್ಎಲ್ ವ್ಯವಸ್ಥಾಪಕ ನಿರ್ದೇಶಕ ಅನುಪಮ್ ಶ್ರೀವಾಸ್ತವ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
