ಗ್ರಾಹಕರಿಗಾಗಿ ಬಿ.ಎಸ್‌.ಎನ್‌.ಎಲ್ ನಿಂದ ಅಭಿನಂದನ್ -151 ಹೊಸ ಪ್ರೀಪೇಯ್ಡ್ ಯೋಜನೆ ಬಿಡುಗಡೆ

ನವದೆಹಲಿ : ಸರ್ಕಾರಿ ಕಂಪನಿಯಾದ ಬಿ.ಎಸ್‌.ಎನ್‌.ಎಲ್. ಗ್ರಾಹಕರನ್ನು ಸೆಳೆಯುವ ಅಭಿನಂದನ್ -151 ಎಂಬ ಹೊಸ ಪ್ರೀಪೇಯ್ಡ್ ಯೋಜನೆ ಬಿಡುಗಡೆ ಮಾಡಿದೆ.

ಈ ಪ್ಲಾನ್ ಅಡಿ ಗ್ರಾಹಕರಿಗೆ ಕರೆ ಹಾಗೂ ಡೇಟಾ, ಎಸ್‌.ಎಂ.ಎಸ್ ಉಚಿತವಾಗಿ ಲಭಿಸಲಿದೆ. ಪ್ರತಿ ದಿನ 100 ಎಸ್‌ಎಂಎಸ್ , 1ಜಿಬಿ ಡೇಟಾ, ಹಾಗೂ ಅನಿಯಮಿತ ಸ್ಥಳೀಯ, ರೋಮಿಂಗ್ ಕರೆ  ಸಿಗಲಿದೆ. ಹಾಗೇ ಇದು 180 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ.

ಆದರೆ ಈ ಯೋಜನೆಯಲ್ಲಿ ಸಿಗುವ ಉಚಿತ ಸೇವೆ ಕೇವಲ 24 ದಿನಗಳು ಮಾತ್ರ. ಯೋಜನೆ 180 ದಿನಗಳ ಸಿಂಧುತ್ವ ಹೊಂದಿದ್ದರೂ, 24 ದಿನಗಳ ನಂತರ ಗ್ರಾಹಕರು ಈ ಸೇವೆಗೆ ಹಣ ಪಾವತಿ ಮಾಡಬೇಕಾಗುತ್ತದೆ.