ಆರ್`ಬಿಐನ 50 ರೂ. ಹೊಸ ನೋಟಿನ ಫೋಟೋ ಲೀಕ್

ಕಳೆದ ವರ್ಷ ನವೆಂಬರ್`ನಲ್ಲಿ ಪ್ರಧಾನಮಂತ್ರಿ ನರೇಂದ್ರಮೋದಿ 1000 ಮತ್ತು 500 ರೂ. ನೋಟುಗಳನ್ನ ಅಮಾನ್ಯಗೊಳಿಸಿದ ಬಳಿಕ ಜನಸಾಮಾನ್ಯರ ದಿನನಿತ್ಯದ ವಹಿವಾಟಿಗಾಗಿ 50 ಮತ್ತು 10 ರೂಪಾಯಿ ನೋಟು ಬಿಡುಗಡೆ ಆರ್`ಬಿಐ ಘೋಷಿಸಿತ್ತು.

ಇದಾದ ಬಳಿಕ 50 ಮತ್ತು 10 ರೂಪಾಯಿ ನೋಟಿನ ಬಗ್ಗೆ ಸುದ್ದಿಯೇ ಇರಲಿಲ್ಲ. ಇದೀಗ,  50 ರೂಪಾಯಿ ನೋಟುಗಳ ಸುದ್ದಿ ಪ್ರತ್ಯಕ್ಷವಾಗಿದೆ. ಆರ್`ಬಿಐ ಮುದ್ರಿಸಿದೆ ಎನ್ನಲಾದ 50 ರೂ. ನೋಟುಗಳ ಬಂಡಲ್`ನ ಇಮೇಜ್ ಆನ್`ಲೈನ್`ನಲ್ಲಿ ಲೀಕ್ ಆಗಿದೆ. ತೆಳು ಹಸಿರು ಬಣ್ಣದ ನೋಟು ಇದಾಗಿದ್ದು, ಚಲಾವಣೆಯಲ್ಲಿರುವ 50 ರೂ. ನೋಟುಗಳಿಗಿಂತ ವಿಭಿನ್ನವಾಗಿದೆ. 2005ನೇ ಮಹಾತ್ಯಾಗಾಂಧಿ ಫೋಟೋ ಒಳಗೊಂಡಿರುವ ನೊಟುಗಳು ಇವಾಗಿವೆ.

ಆನ್`ಲೈನ್`ನಲ್ಲಿ ಲೀಕ್ ಆಗಿರುವ ಈ ಇಮೇಜ್ ಬಗ್ಗೆ ರಿಸರ್ವ್ ಬ್ಯಾಂಕ್ ಮತ್ತು ಕೇಂದ್ರ ಸರ್ಕಾರದಿಂದ ಅಧಿಕೃತ ಹೇಳಿಕೆ ಹೊರಬಿದ್ದಿಲ್ಲ. ಹೊಸ ನೋಟಿನ ಭದ್ರತಾ ಲಕ್ಷಣಗಳು ಹಳೆಯ ನೋಟುಗಳ ರೀತಿಯೇ ಇರಲಿವೆ ಎನ್ನಲಾಗಿದೆ.   

 ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ