ಐಪಿಎಲ್ 14: ಡೆಲ್ಲಿ ಗೆಲ್ಲಿಸಿದ ಶಿಖರ್-ಪೃಥ್ವಿ ಶಾ ಜೋಡಿ

ಮುಂಬೈ: ಐಪಿಎಲ್ 14 ರ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಶಿಖರ್ ಧವನ್ ಮತ್ತು ಪೃಥ್ವಿ ಶಾ ಜೋಡಿಯ ಆರಂಭಿಕ ಜೊತೆಯಾಟದಿಂದಾಗಿ ಡೆಲ್ಲಿ ಕ್ಯಾಪಿಟಲ್ಸ್ 7 ವಿಕೆಟ್ ಗಳ ಭರ್ಜರಿ ಜಯ ಗಳಿಸಿದೆ.

ಮೊದಲು ಬ್ಯಾಟಿಂಗ್ ಮಾಡಿದ ಧೋನಿ ನೇತೃತ್ವದ ಚೆನ್ನೈ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 188 ರನ್ ಗಳಿಸಿತು. ಚೆನ್ನೈ ಪರ ಸುರೇಶ್ ರೈನಾ 54 ಮೊಯಿನ್ ಅಲಿ 36, ಸ್ಯಾಮ್ ಕ್ಯುರೇನ್ 34 ರನ್ ಗಳಿಸಿದರು.

ಈ ಮೊತ್ತ ಬೆನ್ನತ್ತಿದ ಡೆಲ್ಲಿಗೆ ಶಿಖರ್ ಧವನ್ 85, ಪೃಥ್ವಿ ಶಾ 72 ರನ್ ಗಳಿಸಿ ಭರ್ಜರಿ ಆರಂಭ ಒದಗಿಸಿದರು. ಅಂತಿಮವಾಗಿ ಡೆಲ್ಲಿ 18.4 ಓವರ್ ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 190 ರನ್ ಗಳಿಸುವ ಮೂಲಕ ಗುರಿ ಮುಟ್ಟಿತು. ಇದರೊಂದಿಗೆ ಚೆನ್ನೈ ಮತ್ತೆ ಸೋಲಿನ ಆರಂಭ ಪಡೆಯಿತು.