ಐಪಿಎಲ್ 2022: ಲಕ್ನೋ ಫ್ರಾಂಚೈಸಿಗೆ ಕೋಚ್ ಫಿಕ್ಸ್

ಮುಂಬೈ: ಐಪಿಎಲ್ ಗೆ ಹೊಸದಾಗಿ ಸೇರ್ಪಡೆಯಾಗಿರುವ ಲಕ್ನೋ ಫ್ರಾಂಚೈಸಿ ತನ್ನ ತಂಡದ ನೂತನ ಕೋಚ್ ಆಯ್ಕೆ ಮಾಡಿದೆ.

ಜಿಂಬಾಬ್ವೆ ಮೂಲದ ಆಂಡಿ ಫ್ಲವರ್ ಲಕ್ನೋ ತಂಡದ ನೂತನ ಕೋಚ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಮೂಲಗಳ ಪ್ರಕಾರ ಈ ತಂಡಕ್ಕೆ ಕನ್ನಡಿಗ ಕೆಎಲ್ ರಾಹುಲ್ ನಾಯಕರಾಗಲಿದ್ದಾರೆ.

ರಾಹುಲ್ ಜೊತೆಗೆ ಮೊಹಮ್ಮದ್ ಶಮಿ, ಯಜುವೇಂದ್ರ ಚಾಹಲ್, ಬೆನ್ ಸ್ಟೋಕ್ಸ್, ರಶೀದ್ ಖಾನ್, ಇಶಾನ್ ಕಿಶನ್ ಲಕ್ನೋ ತಂಡ ಕೂಡಿಕೊಳ್ಳುವ ನಿರೀಕ್ಷೆಯಿದೆ. ಸದ್ಯಕ್ಕೆ ಮೂವರು ಆಟಗಾರರನ್ನು ನೇರವಾಗಿ ಖರೀದಿ ಮಾಡಬಹುದಾಗಿದ್ದು, ಉಳಿದ ಆಟಗಾರರನ್ನು ಹರಾಜು ಮೂಲಕವೇ ಖರೀದಿ ಮಾಡಬೇಕು.