ಐಪಿಎಲ್ 14: ಡೆಲ್ಲಿಗೆ ಇಂದು ಕೋಲ್ಕೊತ್ತಾ ಸವಾಲು

ಅಹಮ್ಮದಾಬಾದ್: ಐಪಿಎಲ್ 14 ರಲ್ಲಿ ಇಂದಿನ ಎರಡನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಕೋಲ್ಕೊತ್ತಾ ನೈಟ್ ರೈಡರ್ಸ್ ತಂಡವನ್ನು ಎದುರಿಸಲಿದೆ.

ಈ ಎರಡೂ ತಂಡಗಳಲ್ಲಿ ಮೇಲ್ನೋಟಕ್ಕೆ ಡೆಲ್ಲಿಯೇ ಮೇಲುಗೈ ಸಾಧಿಸಬಹುದು ಎನಿಸುತ್ತಿದೆ. ಆದರೆ ಕೆಕೆಆರ್ ಕಳೆದ ಎರಡು ಪಂದ್ಯಗಳಿಂದ ಸುಧಾರಿತ ಪ್ರದರ್ಶನ ನೀಡುತ್ತಿದೆ. ಹೀಗಾಗಿ ಅದನ್ನು ಹಗುರವಾಗಿ ಪರಿಗಣಿಸುವಂತಿಲ್ಲ.

ಡೆಲ್ಲಿ ಕಳೆದ ಪಂದ್ಯದಲ್ಲಿ ಆರ್ ಸಿಬಿ ವಿರುದ್ಧ ಕೂದಲೆಳೆಯಲ್ಲಿ ಸೋತಿತ್ತು. ಆ ಹತಾಶೆಯಿಂದ ಹೊರಬರಲು ರಿಷಬ್ ಪಡೆಗೆ ಇಂದು ಗೆಲುವು ಅನಿವಾರ್ಯ. ಕಳೆದ ಎರಡು ಪಂದ್ಯಗಳಿಂದ ಕೊಂಚ ಮಂಕಾಗಿರುವ ಶಿಖರ್ ಧವನ್ ಇಂದು ರನ್ ಗಳಿಸಿದರೆ ಡೆಲ್ಲಿ ಹಾದಿ ಸುಗಮವಾಗಲಿದೆ. ಈ ಪಂದ್ಯ ಸಂಜೆ 7.30 ಕ್ಕೆ ಆರಂಭವಾಗಲಿದೆ.