ವಿರಾಟ್ ಕೊಹ್ಲಿ ಬೌಂಡರಿಗೆ ಗಂಗೂಲಿ ಮುಖಭಾವ ನೋಡಿ ನೆಟ್ಟಿಗರು ಫಿದಾ

ಕೋಲ್ಕೊತ್ತಾ: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ನಿನ್ನೆ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಆರ್ ಸಿಬಿ ಬ್ಯಾಟಿಗ ವಿರಾಟ್ ಕೊಹ್ಲಿ ಹೊಡೆದ ಬೌಂಡರಿಯೊಂದಕ್ಕೆ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ನೀಡಿದ ಪ್ರತಿಕ್ರಿಯೆ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೋಲ್ಕೊತ್ತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ನಡೆದ ಪಂದ್ಯ ವೀಕ್ಷಿಸಲು ಖುದ್ದು ಗಂಗೂಲಿ ಮೈದಾನದಲ್ಲಿ ಹಾಜರಿದ್ದರು. ಈ ವೇಳೆ ವಿರಾಟ್ ಕೊಹ್ಲಿ ಫ್ಲಿಕ್ ಮಾಡಿ ಅದ್ಭುತ ಬೌಂಡರಿ ಗಳಿಸಿದರು.

ಈ ಶಾಟ್ ನೋಡಿದ ಗಂಗೂಲಿ ಅದ್ಭುತ ಎಂದು ಮುಖಭಾವ ಮಾಡಿ ಪಕ್ಕದಲ್ಲಿದ್ದವರ ಬಳಿ ಕೊಂಡಾಡಿದ್ದು ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಯಾಗಿತ್ತು. ಈ ಕ್ಷಣವನ್ನು ನೆಟ್ಟಿಗರು ಭಾರೀ ಸಂಖ್ಯೆಯಲ್ಲಿ ಲೈಕ್ ಮಾಡಿದ್ದಾರೆ.