ಐಪಿಎಲ್ ಗೆ ಮರಳಲಿದ್ದಾರೆ ಪ್ರೇಕ್ಷಕರು

ದುಬೈ: ಯುಎಇನಲ್ಲಿ ನಡೆಯಲಿರುವ ಐಪಿಎಲ್ 14 ರ ಉಳಿದ ಪಂದ್ಯಗಳನ್ನು ಆಡುವಾಗ ಆಟಗಾರರಿಗೆ ಪ್ರೇಕ್ಷಕರ ಕರಾಡತನವೂ ಕೇಳಿಸಲಿದೆ.

ಪ್ರೇಕ್ಷಕರಿಲ್ಲದೇ ಆಡುವುದು ಕ್ರಿಕೆಟಿಗರಿಗೆ ಉತ್ಸಾಹ ತರದು. ಆದರೆ ಕೊರೋನಾದಿಂದಾಗಿ ಇತ್ತೀಚೆಗೆ ಕ್ರಿಕೆಟ್ ಪಂದ್ಯಗಳು ಪ್ರೇಕ್ಷಕರಿಲ್ಲದೇ ನಡೆಯುತ್ತಿದೆ.

ಇದೀಗ ಐಪಿಎಲ್ 14 ರ ಉಳಿದ ಪಂದ್ಯಗಳಿಗೆ ಪ್ರೇಕ್ಷಕರನ್ನು ಮೈದಾನಕ್ಕೆ ಕರೆತರಲು ಯುಎಇ ಮತ್ತು ಭಾರತೀಯ ಕ್ರಿಕೆಟ್ ಮಂಡಳಿ ಪ್ರಯತ್ನ ನಡೆಸಿದೆ. ಈ ಬಗ್ಗೆ ಯುಎಇ ಸರ್ಕಾರದೊಂದಿಗೆ ಮಾತುಕತೆ ನಡೆಯುತ್ತಿದೆಯಂತೆ. ಒಂದು ವೇಳೆ ಅನುಮತಿ ಸಿಕ್ಕರೆ ಐಪಿಎಲ್ 14 ರ ಉಳಿದ ಪಂದ್ಯಗಳಲ್ಲಿ ಪ್ರೇಕ್ಷಕರ ಹಾಜರಾತಿಯೂ ಇರಲಿದೆ.