ಹಳೆಯ ಘಟನೆ ನೆನಪಿಸಿ ಯಜುವೇಂದ್ರ ಚಾಹಲ್ ಗೆ ಎಚ್ಚರಿಕೆ ಕೊಟ್ಟ ಯುವರಾಜ್ ಸಿಂಗ್

ದುಬೈ: ಐಪಿಎಲ್ 13 ರ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಹೆಚ್ಚು ರನ್ ನೀಡದೇ ಎದುರಾಳಿಗಳನ್ನು ಕಟ್ಟಿ ಹಾಕಿದ ಯಜುವೇಂದ್ರ ಚಾಹಲ್ ಗೆ ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಲೈಟಾಗಿ ಕಾಲೆಳೆದಿದ್ದಾರೆ.

ಚಾಹಲ್ ಈ ಕೂಟದಲ್ಲಿ ಅತ್ಯುತ್ತಮ ಬೌಲಿಂಗ್ ಮಾಡುತ್ತಿದ್ದಾರೆ. ಇದೇ ಕಾರಣಕ್ಕೆ ಯುವಿ, ಚಾಹಲ್ ರನ್ನು ಟ್ರೋಲ್ ಮಾಡಿದ್ದಾರೆ. ‘ನೀನು ಯಾರಿಗೂ ಹೊಡೆಯಲು ಬಿಡುತ್ತಿಲ್ಲ! ಮೈದಾನಕ್ಕೆ ವಾಪಸ್ ಬರಲೇ ಎನಿಸುತ್ತಿದೆ. ಗ್ರೇಟ್ ಸ್ಪೆಲ್ ಯುಜಿ’ ಎಂದು ಹೊಗಳುವ ಜತೆಗೆ ತಾವು ಹಿಂದೆ ಚಾಹಲ್ ಬೌಲಿಂಗ್ ನಲ್ಲಿ ಮೂರು ಸಿಕ್ಸರ್ ಹೊಡೆದಿದ್ದನ್ನು ನೆನಪಿಸಿ ಟ್ರೋಲ್ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಚಾಹಲ್ ‘ಮೂರು ಬಾಲ್ ನಲ್ಲಿ ಮೂರು ಸಿಕ್ಸರ್ ಇನ್ನೂ ನಾನು ಮರೆತಿಲ್ಲ ಭಯ್ಯಾ’ ಎಂದಿದ್ದಾರೆ.