ಮುಂದಿನ ಐಪಿಎಲ್ ಭಾರತದಲ್ಲೇ: ಗಂಗೂಲಿ ಸ್ಪಷ್ಟನೆ

ಮುಂಬೈ: ಕೊರೋನಾ ಕಾರಣದಿಂದ ಈ ವರ್ಷದ ಐಪಿಎಲ್ ನ್ನು ಯುಎಇನಲ್ಲಿ ಆಯೋಜಿಸಲಾಗಿತ್ತು. ಆದರೆ ಮುಂದಿನ ಐಪಿಎಲ್ ಅಂದರೆ 2021 ರ ಐಪಿಎಲ್ ಭಾರತದಲ್ಲೇ ನಡೆಸಬಹುದು ಎಂಬ ವಿಶ್ವಾಸದಲ್ಲಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಇದ್ದಾರೆ.

2021 ರ ಐಪಿಎಲ್ ನಿಗದಿಯಂತೆ ಏಪ್ರಿಲ್-ಮೇ ತಿಂಗಳಲ್ಲಿ ನಡೆಯಲಿದೆ. ಇದನ್ನು ಭಾರತದಲ್ಲೇ ಆಯೋಜಿಸಬಹುದು ಎಂದು ಗಂಗೂಲಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೆ, ಈ ವರ್ಷದ ದೇಶೀಯ ಕ್ರಿಕೆಟ್, ರಣಜಿ ಕ್ರಿಕೆಟ್, ಇಂಗ್ಲೆಂಡ್ ನ ಭಾರತ ಪ್ರವಾಸ ಎಲ್ಲವೂ ನಿಗದಿಯಂತೆ ನಡೆಯಲಿದೆ’ ಎಂದು ಗಂಗೂಲಿ ಸ್ಪಷ್ಟಪಡಿಸಿದ್ದಾರೆ.