ರೋಹಿತ್ ಶರ್ಮಾಗೆ ದೇಶಕ್ಕಿಂತ ಐಪಿಎಲ್ ತಂಡವೇ ದೊಡ್ಡದಾಯಿತೇ?

ಮುಂಬೈ: ಗಂಭೀರ ಗಾಯವನ್ನೂ ಲೆಕ್ಕಿಸದೇ ತಮ್ಮ ಐಪಿಎಲ್ ತಂಡದ ಪರವಾಗಿ ಆಡಿದ ರೋಹಿತ್ ಶರ್ಮಾರನ್ನು ಮಾಜಿ ಕ್ರಿಕೆಟಿಗ ದಿಲೀಪ್ ವೆಂಗ್ಸರ್ಕಾರ್ ಟೀಕಿಸಿದ್ದಾರೆ.

ರೋಹಿತ್ ಗೆ ತಮ್ಮ ಗಾಯ ಗುಣವಾಗಿ ದೇಶವನ್ನು ಪ್ರತಿನಿಧಿಸುವುದಕ್ಕಿಂತ ಐಪಿಎಲ್ ಫ್ರಾಂಚೈಸಿ ಪರ ಆಡುವುದೇ ದೊಡ್ಡದಾಯಿತೇ ಎಂದು ವೆಂಗ್ಸರ್ಕಾರ್ ಪ್ರಶ್ನಿಸಿದ್ದಾರೆ. ಈ ಮೊದಲು ಗಾಯದ ನೆಪದಲ್ಲಿ ರೋಹಿತ್ ಆಸ್ಟ್ರೇಲಿಯಾ ಪ್ರವಾಸದಿಂದ ಹೊರಗುಳಿದಿದ್ದರು. ಅವರು ಫಿಟ್ ಆಗಿಲ್ಲ ಎಂದು ರಾಷ್ಟ್ರೀಯ ತಂಡದ ವೈದ್ಯಕೀಯ ತಂಡವೇ ಘೋಷಿಸಿತ್ತು. ಈ ಅಪಾಯವನ್ನೂ ಕಡೆಗಣಿಸಿ ರೋಹಿತ್ ಈಗ ತಮ್ಮ ಐಪಿಎಲ್ ತಂಡದ ಪರ ಆಡಲು ಮೈದಾನಕ್ಕಿಳಿದಿದ್ದನ್ನು ವೆಂಗ್ಸರ್ಕಾರ್ ಪ್ರಶ್ನೆ ಮಾಡಿದ್ದಾರೆ.