ಐಪಿಎಲ್ 13 ರಲ್ಲಿ ಮುಂಬೈ, ಚೆನ್ನೈ ಹೊರತಾದ ಹೊಸ ತಂಡ ಈ ಬಾರಿ ಚಾಂಪಿಯನ್?!

ದುಬೈ: ಐಪಿಎಲ್ ಎಂದರೆ ಚೆನ್ನೈ ಮತ್ತು ಮುಂಬೈ ತಂಡಗಳೇ ಇದುವರೆಗೆ ಪ್ರಾಬಲ್ಯ ಸಾಧಿಸುತ್ತಿದ್ದವು. ಆದರೆ ಈ ಬಾರಿ ಮಾತ್ರ ಈ ಎರಡೂ ತಂಡಗಳು ಮಂಕಾಗಿದ್ದು, ಹೊಸ ತಂಡಗಳು ಮೇಲೇಳುವ ಲಕ್ಷಣ ಕಾಣುತ್ತಿದೆ.

ಐಪಿಎಲ್ 13 ಆರಂಭವಾಗಿ ಕೇವಲ ಒಂದು ವಾರವಾಗಿದೆಯಷ್ಟೇ. ಹೀಗಾಗಿ ಈಗಲೇ ಈ ತಂಡವೇ ಚಾಂಪಿಯನ್ ಆಗಬಹುದು ಎಂದು ಹೇಳಲು ಸಾಧ‍್ಯವಿಲ್ಲ. ಹಾಗಿದ್ದರೂ ಈ ಬಾರಿ ಚೆನ್ನೈ, ಮುಂಬೈ ಹೊರತಾಗಿ ಪಂಜಾಬ್, ಡೆಲ್ಲಿ, ರಾಜಸ್ಥಾನ್, ಆರ್ ಸಿಬಿ ಪ್ರಬಲ ಪೈಪೋಟಿಯೊಡ್ಡುತ್ತಿರುವುದು ನೋಡಿದರೆ ಈ ಬಾರಿ ಹೊಸ ಚಾಂಪಿಯನ್ ನ್ನು ನೋಡುವ ಅವಕಾಶ ಸಿಗಬಹುದು ಎನ್ನಬಹುದು.