ಐಪಿಎಲ್: ಹೈದಾರಾಬಾದ್ ಬಿಟ್ಟು ತೆರಳಿದ ಡೇವಿಡ್ ವಾರ್ನರ್ ಗೆ ಭಾವುಕ ವಿದಾಯ ಹೇಳಿದ ತಂಡ

ಹೈದರಾಬಾದ್: ವಿಶ್ವಕಪ್ ಕ್ರಿಕೆಟ್ ಇನ್ನು ಕೆಲವೇ ದಿನಗಳಲ್ಲಿ ಆರಂಭವಾಗಲಿದ್ದು, ಈ ಮಹತ್ವದ ಟೂರ್ನಿಗೆ ತಯಾರಾಗಲು ಒಬ್ಬೊಬ್ಬರೇ ಆಟಗಾರರು ಐಪಿಎಲ್ ನಿಂದ ಹೊರಬರುತ್ತಿದ್ದಾರೆ.

ಮೊಯಿನ್ ಅಲಿ, ಸ್ಟಾಯಿನಿಸ್ ಬಳಿಕ ಇದೀಗ ಸನ್ ರೈಸರ್ಸ್ ಹೈದಾರಾಬಾದ್ ತಂಡದ ಆಟಗಾರ ಡೇವಿಡ್ ವಾರ್ನರ್ ಕೂಡಾ ತಂಡದಿಂದ ಹೊರಬಂದಿದ್ದಾರೆ.

ಆಸ್ಟ್ರೇಲಿಯಾ ವಿಶ್ವಕಪ್ ತಂಡದಲ್ಲಿರುವ ವಾರ್ನರ್, ಸಿದ್ಧತಾ ಶಿಬಿರಕ್ಕೆ ಹಾಜರಾಗಲು ಐಪಿಎಲ್ ನಿಂದ ಹೊರಬಂದಿದ್ದಾರೆ. ಒಂದು ವರ್ಷಗಳ ನಿಷೇಧ ಶಿಕ್ಷೆ ಮುಗಿಸಿ ಐಪಿಎಲ್ ಮೂಲಕ ಕ್ರಿಕೆಟ್ ಗೆ ಪುನರಾಗಮನ ಮಾಡಿದ್ದ ಡೇವಿಡ್ ವಾರ್ನರ್ ಅದ್ಭುತ ಫಾರ್ಮ್ ಪ್ರದರ್ಶಿಸಿದ್ದರು. ಈಗ ವಾರ್ನರ್ ಸೇರ್ಪಡೆ ಆಸ್ಟ್ರೇಲಿಯಾ ತಂಡಕ್ಕೆ ಬಲ ನೀಡಲಿದೆ.

ಆದರೆ ಹೈದರಾಬಾದ್ ಆಟಗಾರರು ಮಾತ್ರ ಪ್ರಮುಖ ಆಟಗಾರನನ್ನು ಮಹತ್ವದ ಘಟ್ಟದಲ್ಲಿ ಕಳೆದುಕೊಂಡು ಚಿಂತೆಯಲ್ಲಿದ್ದಾರೆ. ವಾರ್ನರ್ ಜತೆಗೆ ಫೋಟೋ ತೆಗೆಸಿಕೊಂಡ ಆಟಗಾರರು ‘ನಿಮ್ಮನ್ನು ಮಿಸ್ ಮಾಡಿಕೊಳ್ಳಲಿದ್ದೇವೆ’ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ