ಋತುಸ್ರಾವದ ತಪ್ಪಿಗೆ ಈ ಮಹಿಳೆಗೆ ಸಿಕ್ಕ ಶಿಕ್ಷೆ ಏನು ಗೊತ್ತಾ?!

ನವದೆಹಲಿ: ಮಹಿಳೆಯರಿಗೆ ಋತುಚಕ್ರ ಎನ್ನುವುದು ಸಾಮಾನ್ಯ ಪ್ರಕ್ರಿಯೆ. ಆದರೆ ಅಮೆರಿಕಾದಲ್ಲೊಂದು ಕಂಪನಿ ತನ್ನ ಮಹಿಳಾ ಸಿಬ್ಬಂದಿಗೆ ಋತುಸ್ರಾವದ ಕಾರಣ ನೀಡಿ ಕೊಕ್ ನೀಡಿದೆ.

ಅಲಿಶಾ ಕೊಲೆಮನ್ ಜಾರ್ಜಿಯಾದ ಬಾಬ್ಬಿ ಡಾಡ್ ಎಂಬ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಳು. ಆದರೆ ಆ ಸಂಸ್ಥೆ ಆಕೆಯನ್ನು ಕೆಲಸದಿಂದ ಕಿತ್ತು ಹಾಕಿದೆ. ಅದಕ್ಕೆ ಕಾರಣ ಏನು ಗೊತ್ತಾ?

ಋತುಚಕ್ರದ ದಿನ ಆಕೆ ಕೂತಿದ್ದ ಚೇರ್ ನಲ್ಲಿ ಋತುಸ್ರಾವವದ ಕಲೆ ಇತ್ತಂತೆ! ಅದೇ ಕಾರಣ ನೀಡಿ ಸಂಸ್ಥೆ ಆಕೆಯನ್ನು ಕೆಲಸದಿಂದ ಕಿತ್ತು ಹಾಕಿದೆ. ಇದೀಗ ಅಲಿಶಾ ಸಂಸ್ಥೆ ವಿರುದ್ಧ ಕೇಸು ದಾಖಲಿಸಲು ತೀರ್ಮಾನಿಸಿದ್ದಾರೆ.

2015 ಮತ್ತು 2016 ರಲ್ಲಿ ಇದೇ ಕಾರಣಕ್ಕೆ ಅಲಿಶಾಗೆ ಆಕೆಯ ಮೇಲ್ವಿಚಾರಕರು ಎಚ್ಚರಿಕೆ ನೀಡಿದ್ದರು. ಇದೀಗ ಮೂರನೇ ಬಾರಿ ಸಂಸ್ಥೆ ಆಕೆಯನ್ನು ಶುಚಿತ್ವದ ಕಾಪಾಡದ ಕಾರಣ ನೀಡಿ ಕೆಲಸದಿಂದಲೇ ವಜಾಗೊಳಿಸಿದೆ.

ಇದನ್ನೂ ಓದಿ.. ಮತ್ತೊಂದು ರೈಲು ಹಳಿ ತಪ್ಪಿತು

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ