ಅಮೇರಿಕಾದ ಕುಸ್ತಿಪಟುವೊಬ್ಬ ತನ್ನ ಹಣೆಯಿಂದ ಕಟ್ಟಿಗೆಗೆ 38 ಮೊಳೆ ಹೊಡೆದು ಗಿನ್ನಿಸ್ ದಾಖಲೆ ನಿರ್ಮಿಸಿದ್ದಾನೆ.
ಬೋಸ್ಟನ್ ನಿವಾಸಿಯಾಗಿರುವ ಜಾನ್ ಫೆರಾರೋ 'ಹ್ಯಾಮರ್ ಹೆಡ್' ಎಂದು ಪ್ರಸಿದ್ಧನಾಗಿದ್ದು ಈತನ ತಲೆ ಇಷ್ಟೊಂದು ಗಟ್ಟಿಯಾಗಿರುವುದೇ ಈ ಹೆಸರು ಬರಲು ಕಾರಣ.
ಈ ಮೊದಲು ಜಾನ್ ಹಣೆಯಿಂದ ನಿಮಿಷಕ್ಕೆ 13 ಮೊಳೆ ಹೊಡೆದು ದಾಖಲೆ ನಿರ್ಮಿಸಿದ್ದ. ಮೂರು ನಿಮಿಷದಲ್ಲಿ 45 ಇಟ್ಟಿಗೆಗಳನ್ನು ಪುಡಿಮಾಡಿದ್ದ.
ಸಾಮಾನ್ಯರ ತಲೆ ಬುರುಡೆಗಿಂತ ಜಾನ್ ತಲೆ ಬುರುಡೆ ದುಪ್ಪಟ್ಟು ದಪ್ಪವಿದೆ ಎಂಬುದು ಪರೀಕ್ಷೆಯಿಂದ ಸಾಬೀತಾಗಿದೆ.
