ಉತ್ತರ ಕೊರಿಯಾದ ಅಧಿಕಾರಿಗಳು ದಕ್ಷಿಣ ಕೊರಿಯಾದ ಅಧಿಕಾರಿಗಳೊಂದಿಗೆ ಪಾನ್‌ಮುಂಜೊಮ್ ಗಡಿ ಗ್ರಾಮದಲ್ಲಿ ಸಂವಾದದಲ್ಲಿ ತೊಡಗಿದ್ದಾಗ ಸರಕಾರದ ಹೊಸ ರಹಸ್ಯ ನೀತಿ ಬಹಿರಂಗವಾಗಿದೆ.
ಸರ್ವಾಧಿಕಾರಿ ಸಾಮಾಜ್ರ್ಯದ ತಾಜಾ ಉದಾಹರಣೆ ಇಲ್ಲಿದೆ. ಉತ್ತರಕೊರಿಯಾದ ಸರ್ವಾಧಿಕಾರಿ ನಾಯಕ ಕಿಮ್ ಜೊಂಗ್ ಉನ್, ಹೊಸ ಆದೇಶವನ್ನು ಹೊರಡಿಸಿದ್ದು ದೇಶದ ಜನತೆ ತಮ್ಮ ಹೇರ್ ಸ್ಟೈಲ್ ಕಾಪಿ ಮಾಡಬೇಕು ಎಂದು ಹೇಳಿದ್ದಾರೆ.
ಡೈಲಿ ಮೇಲ್ ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಉತ್ತರ ಕೊರಿಯಾದ ಪುರುಷರು ತಮ್ಮ ನಾಯಕ ಕಿಮ್ ಜೊಂಗ್ ಅವರಂತೆ ಹೇರ್ ಸ್ಟೈಲ್ ಹೊಂದಿರಬೇಕು ಎಂದು ಸರಕಾರ ಆದೇಶ ಹೊರಡಿಸಿದೆ.
ಒಂದು ವೇಳೆ, ಪುರುಷರು 2 ಸೆಂಟಿ ಮೀಟರ್‌ಗಿಂತ ಹೆಚ್ಚಿನ ಕೂದಲು(ತಲೆಯ ಎರಡು ಬದಿಗಳಲ್ಲಿ ಶೇವ್ ಮಾಡಿರದಿದ್ದರೆ) ಬೆಳೆಸಿದ್ದಲ್ಲಿ ಅಂತಹ ವ್ಯಕ್ತಿಗಳು ಕಠಿಣ ಶಿಕ್ಷೆಗೆ ಅರ್ಹರಾಗುತ್ತಾರೆ ಎಂದು ಕಿಮ್ ಜೊಂಗ್ ಉನ್ ಎಚ್ಚರಿಕೆ ನೀಡಿದ್ದಾರೆ.
ಏತನ್ಮಧ್ಯೆ, ಮಹಿಳೆಯರಿಗೆ ಹೇರ್ ಸ್ಟೈಲ್ ಬಗ್ಗೆ ರಿಯಾಯಿತಿ ನೀಡಲಾಗಿದ್ದು ತಮ್ಮ ಪತ್ನಿ ರಿ ಸೊಲ್ -ಜು ಬೊಬ್ ಅವರನ್ನು ಕಾಪಿ ಮಾಡುವಂತೆ ಆದೇಶ ನೀಡಿದ್ದಾರೆ.
ವರದಿಗಳ ಪ್ರಕಾರ, ಕಲಾವಿದರಿಗೆ ಮಾತ್ರ ಹೇರ್ ಸ್ಟೈಲ್‌ನಿಂದ ರಿಯಾಯಿತಿ ನೀಡಲಾಗಿದೆ.
