ಬಹು ಗಂಡಂದಿರನ್ನು ಹೊಂದಲು ಕಾನೂನು ಗ್ರೀನ್ ಸಿಗ್ನಲ್?!

ಪ್ರಿಟೋರಿಯಾ: ಒಂದಕ್ಕಿಂತ ಹೆಚ್ಚು ಗಂಡಂದಿರನ್ನು ಹೊಂದಲು ಮಹಿಳೆಯರಿಗೂ ಕಾನೂನಾತ್ಮಕವಾಗಿ ಅವಕಾಶ ಸಿಗುವ ಕಾಲ ಸನ್ನಿಹಿತವಾಗಿದೆ.

ಆದರೆ ಇದು ಭಾರತದಲ್ಲಲ್ಲ! ದ.ಆಫ್ರಿಕಾದಲ್ಲಿ. ಇಲ್ಲಿ ಈಗಾಗಲೇ ಬಹು ಪತ್ನಿತ್ವಕ್ಕೆ ಷರತ್ತು ಬದ್ಧವಾಗಿ ಒಪ್ಪಿಗೆಯಿದೆ. ಇದೀಗ ಮಹಿಳೆಯರಿಗೂ ಈ ವಿಚಾರದಲ್ಲಿ ಸಮಾನತೆ ನೀಡಲು ಕಾನೂನು ಹೊರತರಲು ಅಲ್ಲಿನ ಸರ್ಕಾರ ಮುಂದಾಗಿದೆ.

ಮಹಿಳೆಯರಿಗೂ ಒಂದಕ್ಕಿಂತ ಹೆಚ್ಚು ಗಂಡಂದಿರನ್ನು ಹೊಂದಲು ಸದ್ಯದಲ್ಲೇ ಕಾನೂನಿಗೆ ತಿದ್ದುಪಡಿ ತರಲಾಗುತ್ತದೆ. ಈ ಬಗ್ಗೆ ಮಾನವ ಹಕ್ಕುಗಳ ಸದಸ್ಯರನ್ನೊಳಗೊಂಡ ಸಮಿತಿ ನೇಮಿಸಲಾಗಿತ್ತು. ಆ ಸಮಿತಿಯ ವರದಿಯನ್ವಯ ಈ ತೀರ್ಮಾನಕ್ಕೆ ಬರಲಾಗಿದೆ.