ಪೊಲೀಸ್ ಅಧಿಕಾರಿಗೆ ಕಾಫಿ ಕೊಟ್ಟು ಕೆಲಸ ಕಳೆದುಕೊಂಡ ನೌಕರ. ಕಾರಣವೇನು ಗೊತ್ತಾ?

ಅಮೇರಿಕಾ : ಪೊಲೀಸ್ ಅಧಿಕಾರಿಯೊಬ್ಬರಿಗೆ ಸ್ಟಾರ್ ಬಕ್ಸ್ ಉದ್ಯೋಗಿಯೊಬ್ಬ ಕಾಫಿ ಕೊಟ್ಟು ತನ್ನ ಕೆಲಸ ಕಳೆದುಕೊಂಡ ಘಟನೆ ಅಮೇರಿಕಾದ ಒಕ್ಲಾಹಾಮಾದಲ್ಲಿ ನಡೆದಿದೆ.

ಪೊಲೀಸ್ ಅಧಿಕಾರಿ ಜಾನಿ ಒಮರಾ ಎಂಬುವವರು ಥ್ಯಾಂಕ್ಸ್ ಗಿವಿಂಗ್ ದಿನಕ್ಕೆಂದು ಒಕ್ಲಾಹಾಮಾದ ಗ್ಲೆನ್ ಪೂಲ್ ನ ಸ್ಟಾರ್ ಬಕ್ಸ್  ಔಟ್ ಲೆಟ್ ಗೆ ಬಂದು 5 ಕಾಫಿಗಳನ್ನು ಖರೀದಿ ಮಾಡಿದ್ದಾರೆ. ಆಗ ಅವರಿಗೆ ನೀಡಲಾದ ಕಪ್ ಗಳ ಮೇಲೆ ಇದ್ದ ಲೇಬಲ್ ಗಳ ಮೇಲೆ ‘PIG ‘ ಎಂದು ಮುದ್ರಿಸಲಾಗಿತ್ತು.

ಇದರಿಂದ ಕೋಪಗೊಂಡ ಪೊಲೀಸ್ ಅಧಿಕಾರಿ ಈ ಕಪ್ ಗಳ ಚಿತ್ರಗಳನ್ನು ಫೇಸ್ ಬುಕ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದು ವೈರಲ್ ಆದ ಹಿನ್ನಲೆಯಲ್ಲಿ ತಮ್ಮ ಪ್ರತಿಷ್ಠೆಗೆ ಧಕ್ಕೆಯಾಗುತ್ತದೆ ಎಂದು ಸ್ಟಾರ್ ಬಕ್ಸ್  ಆ ಕೆಲಸಗಾರನನ್ನು ಕೆಲಸದಿಂದ ವಜಾಗೊಳಿಸಿ ಪೊಲೀಸ್ ಅಧಿಕಾರಿಯ ಬಳಿ ಕ್ಷಮೆ ಕೇಳಿದೆ.