ತೈವಾನ್ : ಬಿಕಿನಿ ತೊಟ್ಟು ಎತ್ತರದ ಪರ್ವತ ಏರಿದ ಮಹಿಳೆಯೊಬ್ಬಳು ಚಳಿಯಿಂದ ಆಯತಪ್ಪಿ ಪ್ರಪಾತಕ್ಕೆ ಬಿದ್ದು ಸಾವನಪ್ಪಿದ ಘಟನೆ ತೈವಾನ್ ನ ಯುಶನ್ ಮೌಂಟೇನ್ ನಲ್ಲಿ ಘಟನೆ ನಡೆದಿದೆ.
ಗಿಗಿ ವು(36 ವರ್ಷ) ಮೃತಪಟ್ಟ ಮಹಿಳೆಯಾಗಿದ್ದು, ಬಿಕಿನಿ ಹೈಕರ್ ಎಂದೇ ಜನಪ್ರಿಯಳಾಗಿದ್ದ ಈಕೆ ಕೇವಲ ಒಳ ಉಡುಪುಗಳಲ್ಲೇ ಏಕಾಂಗಿಯಾಗಿ ಅನೇಕ ಶಿಖರಾಗ್ರಗಳು ಮತ್ತು ಉತ್ತುಂಗ ಪರ್ವತಗಳನ್ನು ಏರುತ್ತಿದ್ದಳಂತೆ.
ಆದರೆ ತೈವಾನ್ ಹೃದಯ ಭಾಗದಲ್ಲಿರುವ ನನ್‍ಟಾವೋ ಕೌಂಟಿಯಲ್ಲಿನ ದೇಶದ ಅತಿ ಎತ್ತರದ ಯುಶಾನ್ (ಜೇಡ್ ಮೌಂಟೇನ್) ಪರ್ವತ ಏರಲು ಜ.11ರಂದು ತೆರಳಿದ್ದಾರೆ. ಈ ಪರ್ವತ 12,966 ಅಡಿಗಳಷ್ಟು ಎತ್ತರದಲ್ಲಿದೆ. ಈಕೆ ಏಕಾಂಗಿಯಾಗಿ ಪರ್ವತ ಏರುವಾಗ ಆಯ ತಪ್ಪಿ ಪ್ರಪಾತಕ್ಕೆ ಉರುಳಿ ಬಿದ್ದಿದ್ದಾಳೆ.
ನಂತರ ಆಕೆ ಸ್ನೇಹಿತನಿಗೆ ಕರೆ ಮಾಡಿ ಕಂದಕದಲ್ಲಿ ಬಿದ್ದಿದ್ದೇನೆ. ಗಾಯವಾದ ಕಾರಣ ಏಳಲು ಆಗ್ತಿಲ್ಲ ಎಂದು ಮಾಹಿತಿ ನೀಡಿದ್ದಾಳಂತೆ. ಆದರೆ ಪ್ರತಿಕೂಲ ಹವಾಮಾನದಿಂದಾಗಿ ರಕ್ಷಣಾ ಕಾರ್ಯಕರ್ತರು ಸರಿಯಾದ ಸಮಯಕ್ಕೆ ಅಲ್ಲಿಗೆ ತಲುಪಲು ಸಾಧ್ಯವಾಗಿಲಿಲ್ಲ ನಂತರ ಬ್ಲಾಕ್ ಹಾಕ್ ಹೆಲಿಕಾಫ್ಟರ್‍ ಗಳು ತೀವ್ರ ಶೋಧ ನಡೆಸಿದ ನಂತರ ಹಿಮ ಕಂದಕವೊಂದರಲ್ಲಿ ಆಕೆಯ ಮೃತದೇಹ ಪತ್ತೆಯಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.
