ನ್ಯೂಯಾರ್ಕ್ : ಡ್ರೆಸ್ ವಿಚಾರಕ್ಕೆ ಅವಮಾನ ಮಾಡಿದ ಶಿಕ್ಷಕರ ವಿರುದ್ಧ ವಿದ್ಯಾರ್ಥಿನಿಯೊಬ್ಬಳು ಡ್ರೆಸ್ ಬಿಚ್ಚಿ ನಿಂತು ಪ್ರತಿಭಟನೆ ಮಾಡಿದ ಘಟನೆ ನ್ಯೂಯಾರ್ಕ್ ನಲ್ಲಿ ನಡೆದಿದೆ.
ಲೆಟಿಟಿಯಾ ಚಾಯ್ ಈ ರೀತಿ ಪ್ರತಿಭಟನೆ ಮಾಡಿದ ವಿದ್ಯಾರ್ಥಿನಿ. ನ್ಯೂಯಾರ್ಕ್ ನ ಇಥಾಕಾದಲ್ಲಿರುವ ಕಾರ್ನೆಲ್ ವಿಶ್ವವಿದ್ಯಾಲಯದಲ್ಲಿ ಪ್ರಬಂಧ ಮಂಡನೆ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಅಲ್ಲಿ ಓದುತ್ತಿರುವ ಚಾಯ್ ಈ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದಳು. ಆದರೆ ಸ್ಪರ್ಧೆಗೆ ಆಕೆ ಶಾರ್ಟ್ಸ್ ಹಾಕಿ ಬಂದಿದ್ದರಿಂದ ಶಿಕ್ಷಕರು ಕೋಪಗೊಂಡು ಎಲ್ಲರ ಎದುರು ಗದರಿ ಚಾಯ್ಗೆ ಅವಮಾನ ಮಾಡಿದ್ದಾರೆ.
ಇದರಿಂದ ರೊಚ್ಚಿಗೆದ್ದ ಚಾಯ್ ವೇದಿಕೆಯ ಮೇಲೆ ಬಟ್ಟೆಯನ್ನು ತೆಗೆದು ಹಾಕಿ ಒಳ ಉಡುಪಿನಲ್ಲೇ ಪ್ರಬಂಧ ಮಂಡನೆ ಮಾಡಿದ್ದಾಳೆ. ಅಲ್ಲದೇ ‘ನನ್ನ ಉಡುಗೆಯ ಬಗ್ಗೆ ಮಾತನಾಡುವ ಹಕ್ಕು ಯಾರಿಗೂ ಇಲ್ಲ' ಎಂದು ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾಳೆ.