ದಾವೂದ್ ಇಬ್ರಾಹಿಂ ಗ್ಯಾಂಗ್ ನಲ್ಲಿ ಮಹಿಳೆಯರಿಗೆ ಏನು ಕೆಲಸ ಗೊತ್ತೇ?!

ಕರಾಚಿ: ಭೂಗತ ದೊರೆ ದಾವೂದ್ ಇಬ್ರಾಹಿಂ ಗುಂಪಿನಲ್ಲಿ ಮಹಿಳಾ ವಿಭಾಗವೂ ಇದೆಯಂತೆ. ಈ ಮಹಿಳೆಯರಿಗೆ ಭೂಗತ ದೊರೆ ಕೊಟ್ಟ ಕೆಲಸವೇನು ಗೊತ್ತಾ?

ಈ ಮಹಿಳಾ ವಿಂಗ್ ಗೆ ದಾವೂದ್ ಬಂಟ ಛೋಟಾ ಶಕೀಲ್ ನೇ ಬಾಸ್ ಅಂತೆ. ಆತನ ಕೈ ಕೆಳಗೆಯೇ ಮಹಿಳಾ ವಿಭಾಗವೂ ಕಾರ್ಯಾಚರಣೆ ನಡೆಸುತ್ತಿದೆ ಎಂಬ ಆಘಾತಕಾರಿ ವಿಷಯವನ್ನು ಹಿರಿಯ ಐಪಿಎಸ್ ಅಧಿಕಾರಿಯೊಬ್ಬರು ಆಂಗ್ಲ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಮಹಿಳೆಯರಿಂದ ಹಣ ವಸೂಲಿ ಮಾಡುವುದೇ ಈ ಮಹಿಳಾ ಗ್ಯಾಂಗ್ ಸದಸ್ಯರ ಕೆಲಸವಂತೆ. ಇತ್ತೀಚೆಗೆ ಇದೇ ರೀತಿ ಮುಂಬೈ ಮೂಲದ ಮಹಿಳೆಯೊಬ್ಬರು ಪಾಕ್ ದೂರವಾಣಿ ಸಂಖ್ಯೆಯೊಂದರಿಂದ ತನಗೆ 1 ಕೋಟಿ ರೂ. ನೀಡುವಂತೆ ಬೆದರಿಕೆ ಕರೆ ಬಂದಿತ್ತು ಎಂದು ದೂರು ನೀಡಿದ್ದರು ಎಂದು ಆ ಅಧಿಕಾರಿ ಬಹಿರಂಗಪಡಿಸಿದ್ದಾರೆ.

ಸಾಮಾನ್ಯವಾಗಿ ಭೂಗತ ಪಾತಕಿಗಳು ತಮ್ಮ ಕಾರ್ಯಾಚರಣೆಯಲ್ಲಿ ಮಹಿಳೆಯರನ್ನು ದೂರವಿಡುತ್ತಾರೆ. ಆದರೆ ದಾವೂದ್ ಮಹಿಳೆಯರಿಂದ ಸುಲಿಗೆ ಮಾಡಲು ಮಹಿಳೆಯರನ್ನೇ ನೇಮಿಸಿಕೊಂಡಿದ್ದಾನೆ ಎನ್ನಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ