ನವದೆಹಲಿ: ಭಾರತಿಯ ಸೈನಿಕರು ಲಡಾಕ್ ಗಡಿಯಲ್ಲಿ ಗಡಿ ಭದ್ರತಾ ಪಡೆಗಳೊಂದಿಗೆ ಆಚರಿಸಲು ಉದ್ದೇಶಿಸಿರುವ ಭಾರತದ ಸ್ವಾತಂತ್ರ್ಯೋತ್ಸವ ಆಚರಣೆಯಲ್ಲಿ ಚೀನಾ ಯೋಧರು ಪಾಲ್ಗೊಳ್ಳುವುದು ಅನುಮಾನವಾಗಿದೆ.
ಉಭಯ ದೇಶಗಳ ನಡುವೆ ಡೋಕ್ಲಾಂ ಗಡಿಯಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿರುವ ಹಿನ್ನಲೆಯಲ್ಲಿ ಭಾರತೀಯ ಸೈನಿಕರು ನಡೆಸಲು ಉದ್ದೇಶಿಸಿರುವ ಸಂಭ್ರಮಾಚರಣೆಯಲ್ಲಿ ಚೀನಾ ಪೀಪಲ್ಸ್ ಲಿಬರೇಷನ್ ಸೇನೆಯ (ಪಿಎಲ್ಎ) ಯೋಧರು ಪಾಲ್ಗೊಳ್ಳಲು ನಿರುತ್ಸಾಹ ತೋರಿದ್ದಾರೆ.
ಭಾರತೀಯ ಸೇನೆ ಕೂಡಾ ಆಗಸ್ಟ್ 1 ರಂದು ನಡೆದಿದ್ದ ಪಿಎಲ್ಎ 90 ನೇ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಪಾಲ್ಗೊಂಡಿರಲಿಲ್ಲ. ಇದೀಗ ಚೀನಾ ಕೂಡಾ ಅದೇ ಹಾದಿ ಹಿಡಿಯಲಿದೆ.
