ಚಿಕ್ಕ ವಯಸ್ಸಿನವಳಂತೆ ತೋರುತ್ತಿದ್ದುದಕ್ಕೆ ಮಹಿಳೆ ವಿಚಾರಣೆ!

ನವದೆಹಲಿ: ಇದೆಂತಹಾ ವಿಚಿತ್ರ ಎನಿಸಬಹುದು. ಆದರೂ ಸತ್ಯ. ತುಂಬಾ ಚಿಕ್ಕ ವಯಸ್ಸಿನವಳಂತೆ ತೋರುತ್ತಿದ್ದ ಯುವತಿಯನ್ನು ವಿಮಾನ ನಿಲ್ದಾಣದಲ್ಲಿ ತಡೆಹಿಡಿದು ವಿಚಾರಣೆ ನಡೆಸಿದ ಘಟನೆ ನಡೆದಿದೆ.

ನತಾಲಿಯಾ ಝೆನ್ ಕಿವ್ ವಿಚಾರಣೆಗೊಳಗಾದ ಮಹಿಳೆ. ಆಕೆ ತನ್ನ ತವರು ನಗರದಿಂದ ಟರ್ಕಿಗೆ ಪ್ರಯಾಣಿಸುತ್ತಿದ್ದಾಗ ಈ ಘಟನೆ ನಡೆದಿದೆ.

ಪಾಸ್ ಪೋರ್ಟ್ ನಲ್ಲಿ ಆಕೆಯ ವಯಸ್ಸು 41 ಎಂದು ಬರೆಯಲಾಗಿತ್ತು. ಆದರೆ ಆಕೆಯನ್ನು ನೋಡಿದರೆ 20 ವರ್ಷದ ತರುಣಿಯಂತೆ ತೋರುತ್ತಿದ್ದಳು. ಇದೇ ಕಾರಣಕ್ಕೆ ಈಕೆ ಬೇರೆಯವರ ಪಾಸ್ ಪೋರ್ಟ್ ಬಳಸಿ ಪ್ರಯಾಣ ನಡೆಸುತ್ತಿರಬಹುದೆಂದು ಅನುಮಾನಗೊಂಡ ಅಧಿಕಾರಿಗಳು ತಡೆಹಿಡಿದು ತಪಾಸಣೆ ನಡೆಸಿದ್ದಾರೆ. ಆಕೆ ಮಾತ್ರ ಇದನ್ನು ಅಪಮಾನ ಎಂದು ಪರಿಗಣಿಸಿಯೇ ಇಲ್ಲವಂತೆ. ಇದು ನನಗೆ ಸಿಕ್ಕ ಕಾಂಪ್ಲಿಮೆಂಟ್ ಅಂದುಕೊಂಡಿದ್ದೇನೆ ಎಂದಿದ್ದಾಳೆ ನತಾಲಿಯಾ!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ