ಇತ್ತೀಚಿನ ದಿನಗಳಲ್ಲಿ ಒತ್ತಡದ ಜೀವನಶೈಲಿ , ಆಹಾರಕ್ರಮದಿಂದ ಈ ರೀತಿಯ ಕೂದಲನ್ನು ಪಡೆಯುವುದು ಕಷ್ಟವಾಗುತ್ತಿದೆ.
ಅದಕ್ಕಾಗಿ ಹಲವು ಆರ್ಯುವೇದಿಕ್ ಶಾಂಪೂ, ಹೇರ್ ಮಾಸ್ಕ್ ಉಪಯೋಗಿಸಿದರೂ ಹೆಚ್ಚು ಪ್ರಯೋಜನವಾಗುವುದಿಲ್ಲ. ಹೀಗಿದ್ದಾಗ ಬಿಯರ್ ಬಳಸಿ ಕೂದಲು ತೊಳೆಯಿರಿ, ಕೂದಲು ಸೊಂಪಾಗಿ ಬರುತ್ತದೆ ಎಂದು ಹಲವರು ಸಲಹೆ ನೀಡುವುದಿದೆ.
ಬಿಯರ್ ವಿಟಮಿನ್ ಬಿಯಲ್ಲಿ ಸಮೃದ್ಧವಾಗಿದೆ. ಹಾಗಾಗಿಯೇ ಇದು ನಿಮ್ಮ ಕೂದಲನ್ನು ಬಲಗೊಳಿಸುತ್ತದೆ ಮತ್ತು ಹೊಳೆಯುವಂತೆ ಮಾಡುತ್ತದೆ.
ಬಿಯರ್‌ನಲ್ಲಿ ಸತು, ಫೋಲೇಟ್, ಬಯೋಟಿನ್, ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿಯಂತಹಾ ಅಗತ್ಯ ಪೋಷಕಾಂಶಗಳಿವೆ. ಈ ಎಲ್ಲಾ ಅಂಶಗಳು ಕೂದಲಿನ ಆರೋಗ್ಯ ವನ್ನು ಕಾಪಾಡಿಕೊಳ್ಳಲು ನಿರ್ಣಾಯಕವಾಗಿವೆ.
ಕೂದಲಿಗೆ ಶಾಂಪೂ ಬಳಸುವ ಪ್ರತಿಯೊಬ್ಬರೂ ತಮ್ಮ ಗಮನಕ್ಕೆ ಬಾರದೆಯೇ ಕೂದಲಿಗೆ ಬಿಯರ್‌ನ್ನು ಬಳಸುತ್ತಿದ್ದಾರೆ. ಯಾಕೆಂದರೆ ಶಾಂಪೂವನ್ನು ತಯಾರಿಸುವ ಅನೇಕ ಕಂಪೆನಿಗಳು ಇದಕ್ಕೆ ಬಿಯರ್ ಸೇರಿಸುತ್ತವೆ.
ವಾಸ್ತವವಾಗಿ, ಡಿ-ಕಾರ್ಬೊನೇಟೆಡ್ ಬಿಯರ್ ಕೂದಲಿಗೆ ಕಂಡೀಷನರ್‌ ಆಗಿ ಕಾರ್ಯ ನಿರ್ವಹಿಸುತ್ತದೆ. ಹಾನಿಗೊಳಗಾದ ಕೂದಲನ್ನು ಸರಿಪಡಿಸಲು ಮತ್ತು ಕೂದಲಿನ ಪರಿಮಾಣವನ್ನು ಪುನಶ್ಚೇತನಗೊಳಿಸಲು ಸಹಾಯ ಮಾಡುತ್ತದೆ.
ಬಿಯರ್ ತಯಾರಿಕೆಯಲ್ಲಿ ಬಳಸುವ ಹಾಪ್ಸ್ ಎಂಬ ಅಂಶ ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಕೂದಲಿನ ಮೇಲೆ ಬಿಯರ್‌ನ್ನು ಬಳಸುವ ಮೊದಲು, ಬಿಯರ್‌ನ್ನು ಡಿ-ಕಾರ್ಬೊನೇಟ್ ಮಾಡಬೇಕಾಗಿದೆ; ಇಲ್ಲದಿದ್ದರೆ ಬಿಯರ್‌ನ ಕಾರ್ಬನ್ ಡೈಆಕ್ಸೈಡ್ ಅನ್ನು ನೀರಿನೊಂದಿಗೆ ಸಂಯೋಜಿಸಿದಾಗ, ಅದು ಗಟ್ಟಿಯಾದ ನೀರನ್ನು ರಚಿಸಬಹುದು, ಇದರಿಂದ ಕೂದಲನ್ನು ತೊಳೆಯಲು ಕಷ್ಟವಾಗುತ್ತದೆ.
ಬಿಯರ್ ಕುಡಿಯುವುದರಿಂದ ನಿರ್ಜಲೀಕರಣವಾಗುತ್ತದೆ ಎಂದು ನೀವು ಕೇಳಿರಬಹುದು. ಕೂದಲಿಗೆ ಉಪಯೋಗಿಸುವುದರಿಂದಲೂ ಇದೇ ಪರಿಣಾಮವಾಗುತ್ತದೆ.
ಹೀಗಾಗಿ ಮೊದಲನೆಯದಾಗಿ ಯಾವಾಗಲೂ ಕಡಿಮೆ ಆಲ್ಕೋಹಾಲ್ ಪ್ರಮಾಣವನ್ನು ಹೊಂದಿರುವ ಬಿಯರ್ ಆರಿಸಿಕೊಳ್ಳಿ. ಅದು ಸಾಧ್ಯವಾಗದಿದ್ದರೆ, ಅದನ್ನು ಸ್ವಲ್ಪ ನೀರು ಸೇರಿಸಿ ದುರ್ಬಲಗೊಳಿಸಿ ನಂತರ ಬಳಸಿ.