ಹಜಿಯಾಬಾದ್ : 15 ವರ್ಷದ ಹುಡುಗಿಯ ಮೇಲೆ ಏಳು ಮಂದಿ ಯುವಕರು ಸೇರಿ ಆಕೆಯ ಮನೆಯ ಟೆರೇಸ್ ಮೇಲೆ ಮಾನಭಂಗ ಎಸಗಿದ ಘಟನೆ ಹಜಿಯಾಬಾದ್ ನಲ್ಲಿ ನಡೆದಿದೆ.
ತಂದೆ ತಾಯಿ ಬೇರೆ ಊರಿಗೆ ಹೋ‍ಗಿದ್ದ ವೇಳೆ ತನ್ನ ಸಹೋದರ ಮತ್ತು ಸಹೋದರಿಯೊಂದಿಗೆ ಬಾಲಕಿ ಮನೆಯೊಳಗೆ ಮಲಗಿದಾಗ ತನ್ನ 6 ಮಂದಿ ಗೆಳೆಯರೊಂದಿಗೆ ಹುಡುಗಿಯ ಮನೆಯ ಬಳಿ ಬಂದ ಯುವಕ ಮನೆಯ ಗೋಡೆ ಹತ್ತಿ ಒಳಗೆ ಹೋಗಿ ಆಕೆಯ ಬಾಯಿ ಮುಚ್ಚಿ ಎಳೆದುಕೊಂಡು ಟೆರೇಸ್ ಮೇಲೆ ಹೋಗಿ ಮಾನಭಂಗ ಎಸಗಿದ್ದಾನೆ. ಆತನ ಸ್ನೇಹಿತರು ಅದನ್ನು ವಿಡಿಯೋ ಮಾಡಿ ವಾಟ್ಸಾಪ್ ಗ್ರೂಪ್ ನಲ್ಲಿ ಹಂಚಿಕೊಂಡಿದ್ದಾರೆ. ಹಾಗೇ ಈ ವಿಚಾರ ಯಾರಿಗಾದರೂ ತಿಳಿಸಿದರೆ ಸಹೋದರ ಮತ್ತು ಸಹೋದರಿಯನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾರೆ.
ಆದರೆ ಹುಡುಗಿ ಈ ವಿಚಾರವನ್ನು ತನ್ನ ಪೋಷಕರಿಗೆ ಫೋನ್ ಮಾಡಿ ತಿಳಿಸಿದ್ದಾಳೆ. ತಕ್ಷಣ ಮನೆಗೆ ಬಂದ ಪೋಷಕರು ಹುಡುಗಿಯೊಂದಿಗೆ ಪೊಲೀಸ್ ಠಾಣೆಗೆ ತೆರಳಿ ಅತ್ಯಾಚಾರ ದೂರು ದಾಖಲಿಸಿದ್ದಾರೆ. ಪೊಲೀಸರು ಪರಾರಿಯಾಗಿದ್ದ ಆರೋಪಿಗಳನ್ನು ಬಂಧಿಸಿದ್ದಾರೆ ಎನ್ನಲಾಗಿದೆ.