ಬೆಂಗಳೂರು: ಪ್ರತಿನಿತ್ಯ ರಾತ್ರಿ ಮಲಗುವ ಮುನ್ನ ಪಾದವನ್ನು ಬಿಸಿ ನೀರಿನಲ್ಲಿ ಹತ್ತು ನಿಮಿಷ ಅದ್ದಿಡಿ. ಈ ರೀತಿ ಮಾಡುವುದರಿಂದ ನಿಮಗೆ ಸಿಗುವ ಪ್ರಯೋಜನಗಳು ಅನೇಕ.
ಪ್ರತಿನಿತ್ಯ ಪಾದವನ್ನು ಬಿಸಿ ನೀರಿನಲ್ಲಿ ಇಡುವುದರಿಂದ ಹಿಮ್ಮಡಿ ಒಡೆಯುವ ಸಮಸ್ಯೆ ದೂರವಾಗುತ್ತದೆ. ಅದೇ ರೀತಿ ಶೀತ, ನೆಗಡಿ ಮುಂತಾದ ಆರೋಗ್ಯ ಸಮಸ್ಯೆಗಳೂ ಹತೋಟಿಗೆ ಬರುತ್ತವೆ.
ಇನ್ನು, ಪಾದವನ್ನು ಈ ರೀತಿ ಮಾಡುವುದರಿಂದ ತಲೆನೋವೂ ಮಾಯವಾಗುತ್ತದೆ! ಹೇಗೆ ಅಂತೀರಾ? ತಲೆನೋವಿನ ಸಮಸ್ಯೆ ಇರುವವರು ಹೀಗೆ ಮಾಡುವುದರಿಂದ ಬೆನ್ನು ಮತ್ತು ಕತ್ತಿನ ಸ್ನಾಯುಗಳು ಸಡಿಲವಾಗುತ್ತದೆ. ಇದರಿಂದ ಒತ್ತಡದಿಂದಾಗಿ ಬರುವ ತಲೆನೋವು ಮಾಯವಾಗುತ್ತದೆ. ಅಷ್ಟೇ ಅಲ್ಲದೆ, ನಿದ್ರಾಹೀನತೆ, ಹಿಮ್ಮಡಿ ನೋವು ಮುಂತಾದ ಸಮಸ್ಯೆಗಳಿಗೂ ಇದು ಪರಿಹಾರ ನೀಡುತ್ತದೆ.
