ಸ್ಟೋಟಕ ಬ್ಯಾಟ್ಸ್‌ಮನ್ ಯುವರಾಜ್ ಸಿಂಗ್ ತಮ್ಮ ಭಾವೀ ಪತ್ನಿ ಹೇಜಲ್ ಕೀಚ್ ಪರವಾಗಿ ಸಾಮಾಜಿಕ ಜಾಲತಾಣದಲ್ಲಿ ಬ್ಯಾಟ್ ಬೀಸಿದ್ದಾರೆ.
ಇತ್ತೀಚಿಗೆ ಜೈಪುರದ ಹಣಕಾಸು ಸಂಸ್ಥೆಯೊಂದಕ್ಕೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಹೇಜಲ್ ಅವರ ಐಡೆಂಟಿಟಿ ಬಗ್ಗೆ ಪ್ರಶ್ನೆ ಎದುರಾಗಿತ್ತು. ನನ್ನ ಹೆಸರು ಹಿಂದೂ ಹೆಸರೆನಿಸುವುದಿಲ್ಲ ಎಂದು ಹಣಕಾಸು ಸಂಸ್ಥೆ ವೆಸ್ಟರ್ನ್ ಯೂನಿಯನ್ ಉದ್ಯೋಗಿ ಹಣ ನೀಡಲು ನಿರಾಕರಿಸಿದ್ದರು. ನನ್ನ ವಿರುದ್ಧ ಜನಾಂಗೀಯ ತಾರತಮ್ಯ ನಡೆದಿದೆ ಎಂದು ಹೇಜಲ್ ಟ್ವೀಟರ್ ಮೂಲಕ ಆರೋಪಿಸಿದ್ದರು.
ತಮ್ಮ ಭಾವಿ ಪತ್ನಿ ಮಾಡಿರುವ ಆರೋಪಕ್ಕೆ ಧ್ವನಿಗೂಡಿಸಿರುವ ಯುವಿ ಜೈಪುರ್ ವೆಸ್ಟರ್ನ್ ಯೂನಿಯನ್ ಸಂಸ್ಥೆಯ ಉದ್ಯೋಗಿ ಪಿಯೂಷ್ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.
ಯುವಿ ಮತ್ತು ಹೇಜಲ್ ಸದ್ಯದಲ್ಲಿಯೇ ಸಪ್ತಪದಿ ತುಳಿಯಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ .
