ಮುಂಬೈ: ಟೀಂ ಇಂಡಿಯಾ ಕೋಚ್ ಆಕಾಂಕ್ಷಿಗಳ ಹುದ್ದೆ ದಿನೇ ದಿನೇ ಬೆಳೆಯುತ್ತಲೇ ಇದೆ. ಇದಕ್ಕೆ ಹೊಸದಾಗಿ ಸೇರ್ಪಡೆಯಾಗಿರುವವರು ವೆಸ್ಟ್ ಇಂಡೀಸ್ ಗೆ ಟಿ-20 ವಿಶ್ವಕಪ್ ಗೆದ್ದುಕೊಟ್ಟ ಕೋಚ್ ಫಿಲ್ ಸಿಮನ್ಸ್.
ರವಿ ಶಾಸ್ತ್ರಿ ನಂತರ ಟೀಂ ಇಂಡಿಯಾದ ಕೋಚ್ ಹುದ್ದೆಗೆ ಅರ್ಜಿ ಹಾಕಿದವರ ಸಾಲಿಗೆ ಸಿಮನ್ಸ್ ಸೇರಿಕೊಂಡಿದ್ದಾರೆ. ಅರ್ಜಿ ಸಲ್ಲಿಸಲು ಜುಲೈ 9 ಕೊನೆಯ ದಿನಾಂಕವಾಗಿದ್ದು, ಸೆಹ್ವಾಗ್, ಟಾಮ್ ಮೂಡಿ, ದೊಡ್ಡ ಗಣೇಶ್, ರವಿ ಶಾಸ್ತ್ರಿ ಮುಂತಾದವರ ನಡುವೆ ಪೈಪೋಟಿಯಿದೆ.
ವಿಂಡೀಸ್ ನ ಈ ಮಾಜಿ ಕ್ರಿಕೆಟಿಗ ಭಾರತದ ಕೋಚ್ ಆಗುವುದಕ್ಕೆ ಆಸಕ್ತಿ ವಹಿಸಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ. ಅವರಲ್ಲದೆ ದ. ಆಫ್ರಿಕಾ ಮೂಲದ ದಿಗ್ಗಜ ಕ್ರಿಕೆಟಿಗರೊಬ್ಬರೂ ಕೋಚ್ ಹುದ್ದೆ ವಹಿಸಲು ಆಸಕ್ತಿ ವಹಿಸಿದ್ದಾರೆಂದು ವರದಿಯಾಗಿದೆ. ಅಂತಿಮ ಹೆಸರು ಜುಲೈ 10 ರಂದು ಪ್ರಕಟವಾಗಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
