ಪೋರ್ಟ್ ಆಫ್ ಸ್ಪೇನ್: ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ವಿರುದ್ಧ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತದ ನೀರಸ ಬ್ಯಾಟಿಂಗ್
ನೋಡಿ ಬ್ಯಾಟಿಂಗ್ ಕೋಚ್ ಸಂಜಯ್ ಬಂಗಾರ್ ಸಿಟ್ಟಿಗೆದ್ದಿದ್ದಾರೆ. ಬ್ಯಾಟ್ಸ್ ಮನ್ ಗಳೇ ಪಂದ್ಯ ಕೈ ಚೆಲ್ಲಿದರು ಎಂದು ಅವರು ಹತಾಶೆ ವ್ಯಕ್ತಪಡಿಸಿದ್ದಾರೆ.
ಚಾಂಪಿಯನ್ಸ್ ಟ್ರೋಫಿ ಫೈನಲ್ ನಲ್ಲಿ ಪಾಕ್ ವಿರುದ್ಧ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿದ್ದಕ್ಕೆ ಅಂದಿನ ಕೋಚ್ ಅನಿಲ್ ಕುಂಬ್ಳೆ ತೀರಾ ಸಿಟ್ಟಾಗಿದ್ದರು ಎಂದು ಹಿಂದೊಮ್ಮೆ ವರದಿಯಾಗಿತ್ತು. ಇದರ ಪರಿಣಾಮ ಏನಾಗಿತ್ತು ಎನ್ನುವುದು ಎಲ್ಲರಿಗೂ ಗೊತ್ತಿರುವುದೇ.
ಇದೀಗ ಸದಾ ಶಾಂತ ಸ್ವಭಾವದವರೆಂದು ಅಂದುಕೊಂಡಿರುವ ಸಂಜಯ್ ಬಂಗಾರ್ ಸರದಿ. ‘ಇಲ್ಲಿನ ವಿಕೆಟ್ ನಲ್ಲಿ ಹೊಡೆತಕ್ಕೆ ಕೈ ಹಾಕಲು ಸುಲಭವಾಗಿರಲಿಲ್ಲ ಎನ್ನುವುದು ಒಪ್ಪುವಂತಹದ್ದೇ. ಆದರೆ 190 ರನ್ ಗಳನ್ನು ಚೇಸ್ ಮಾಡಲು ಅಸಾಧ್ಯವೇನೂ ಆಗಿರಲಿಲ್ಲ. ಆದರೂ ನಮ್ಮ ಬ್ಯಾಟ್ಸ್ ಮನ್ ಗಳೇ ಸುಲಭವಾಗಿ ವಿಕೆಟ್ ಕೈ ಚೆಲ್ಲಿದರು. ಇಂತಹ ಪರಿಸ್ಥಿತಿಯನ್ನು ಸಾಕಷ್ಟು ಎದುರಿಸಿ ಗೆದ್ದಿದ್ದೇವೆ. ಆದರೂ ಇಂದು ಸೋತಿದ್ದಕ್ಕೆ ನೆಪ ಹೇಳಲು ಸಾಧ್ಯವೇ ಇಲ್ಲ’ ಎಂದು ಬಂಗಾರ್ ಹತಾಶೆಯಿಂದ ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
